+ الرد على الموضوع
النتائج 1 إلى 8 من 8

الموضوع: لا الحية تنسة ذيلها ولا الراعي ينسة ابنة

  1. #1
    المحياوي غير متواجد حالياً
    فراتي فضي المحياوي is on a distinguished road
    تاريخ التسجيل
    Dec 2010
    الدولة
    بغداد
    المشاركات
    999


    افتراضي لا الحية تنسة ذيلها ولا الراعي ينسة ابنة



    مساء الخير حبايبي


    يمكن الكثير من اصدقائنا ماسامعين هذا المثل واللي سامعينة يجوز ميعرفون قصتة لهذا السبب حبيت ان اكتب قصة هذا المثل لانها قصة كلش حلوة ومؤثرة وتتعلق بالوفاء بالدرجة الاولى وطبعا هاية القصة من الفلكلور الكردي انشاء الله تعجبكم.

    جان اكو راعي غنم كبير بالعمر يعني عجوز يسكن بقرية صغيرة وجان عندة قطيع مال اغنام يومية الصبح ياخذ القطيع ويروح للوادي يسرح بالغنم ويظل هناك الى غروب الشمس بعدها يجمع الغنم مالتة ويرجع للكوخ يرتاح وثاني يوم يعيد نفس الروتين وهكذا.

    هذا الراعي جان عنده مزمار ياخذه وياه كل يوم ويكعد تحت شجرة يعزف موسيقى كلش حلوة ويضل يعزف الى ان يتعب بعدها يمتد على العشب وينام.

    وبيوم من الايام كعد هذا الراعي مثل كل مرة يعزف تحت هاية الشجرة ومندمج وية العزف مالتة واذا بحية جبيرة تطلعلة من المغارة القريبة منة وتكوم تركص هاية الحية على العزف مالتة وبعد ما كمل عزف طبت الحية للمغارة وطلعت دينار ذهب من داخل المغارة وخلتة يم الراعي مكافاءة منها للراعي على العزف مالتة الحلو.

    استمرت هاية الحالة لمدة سنة وجان الراعي جدا فرحان بهاية الهدية الحلوة من الحية كل يوم يعزفلهة لحن وهية تنطي دينار ذهب الى ان صار الراعي كلش غني بس طول هاية الفترة ما كال سره الى اي شخص حتى زوجتة وابنة الشاب ما كللهم على سر هاية الثروة.

    في يوم من الايام قرر الراعي ان يذهب للحج وكان السفر للحج في ذلك الوقت يستغرق شهر لان ما جان اكو سيارات في وقتهة فقرر ان يكول السر لابنة الشاب حتى ما يخسر الحية وهداياهة فكلف ابنة ان يقوم بنفس عملة في فترة غيابة وشرحلة كل التفاصيل.


    سافر الراعي للحج وباشر الابن يشتغل بوصية ابوه وفعلا راح لنفس المكان وكام يعزف واذا بالحية تطلعلة وتنطيه دينار ذهب ! فرح الشاب بهاية الطريقة وضل يفكر بيهة هواية الى ان وسوسلة الشيطان فكال وية نفسة : اذا الحية يومية تنطينة دينار ذهب لمدة سنة اذن هاية اكيد عدهة كنز مال ذهب جوة بالمغارة فقرر يقتلهة من تطلع ويستولي على الكنز وياخذه كلة .

    في اليوم الثاني راح هذا الشاب الى نفس المكان وبدا بالعزف الى ان طلعت الحية من المغارة مثل كل مرة وبهاية الاثناء هاجمها الشاب بفاس كبير وضربها ضربة قوية لكن الضربة ما قتلتها بس كصت ذيلها وما كان من الحية الى ان هاجمت الشاب ولدغتة لدغة سريعة مات على اثرها الشاب في الحال.

    مرت الايام ورجع الراعي من السفر فمن وصل لبيتة كلتلة مرتة العجوز بكل اللي صار وشلون لكو ابنة ميت بقرب المغارة فعرف الراعي على الفور ان الابن غدر بالحية فقرر ان يروح الى المغارة ويعتذر للحية ويصلح اللي يكدر يصلحة.

    راح الراعي لنفس المكان وبدا يعزف عسى ان تطلع الحية حتى يعتذرلهة وفعلا ورة شوية طلعت الحية بس ما طلعت تركص بل طلعت بوجه حزين وبذيل مقطوع فمن شافها الراعي بادرها بالكلام وكللهة: خلي نرجع مثل قبل اصدقاء وننسى كل اللي بدر من عدنا جان تجاوبة الحية وكلتلة: فات الاوان لان لا اني اكدر انسة ذيلي ولا انت تكدر تنسى ابنك.

    وهذا المثل بقى ينكال لكل صديق يغدر و يحاول يعتذر حتى يومنا هذا

    اخر مواضيعي:

  2. #2
    فراتي فضي asir is on a distinguished road
    تاريخ التسجيل
    Dec 2010
    الدولة
    الاهواز
    المشاركات
    810

    افتراضي رد: لا الحية تنسة ذيلها ولا الراعي ينسة ابنة


  3. #3
    المحياوي غير متواجد حالياً
    فراتي فضي المحياوي is on a distinguished road
    تاريخ التسجيل
    Dec 2010
    الدولة
    بغداد
    المشاركات
    999


    افتراضي رد: لا الحية تنسة ذيلها ولا الراعي ينسة ابنة

    اقتباس المشاركة الأصلية كتبت بواسطة asir مشاهدة المشاركة
    قصه رائعه لا تخلو من الحکمه استفدنا وشکرا
    شكرا اخي العزيز على المرور نورتني

    اخر مواضيعي:

  4. #4
    عضو مشارك الشايب العراقي is on a distinguished road الصورة الرمزية الشايب العراقي
    تاريخ التسجيل
    Feb 2009
    المشاركات
    4,319



  5. #5
    عضو مشارك عذراء المحيط is on a distinguished road الصورة الرمزية عذراء المحيط
    تاريخ التسجيل
    Mar 2011
    الدولة
    عالمي الخاص
    المشاركات
    156

    افتراضي رد: لا الحية تنسة ذيلها ولا الراعي ينسة ابنة


  6. #6
    المحياوي غير متواجد حالياً
    فراتي فضي المحياوي is on a distinguished road
    تاريخ التسجيل
    Dec 2010
    الدولة
    بغداد
    المشاركات
    999


    افتراضي رد: لا الحية تنسة ذيلها ولا الراعي ينسة ابنة

    شكرا اخي العزيز (الشايب العراقي) على المرور

    منورة يا عذراء المحيط بمرورك الطيب
    اخر مواضيعي:

  7. #7
    فراتي ذهبي حب ساره is on a distinguished road الصورة الرمزية حب ساره
    تاريخ التسجيل
    Feb 2011
    الدولة
    الأخوة
    المشاركات
    1,785

    افتراضي رد: لا الحية تنسة ذيلها ولا الراعي ينسة ابنة

    مشاء الله عليك اخي الغالي (المحياوي ) والله قصه كتير حلوه ثق بأني استمتعت جدااااااا سلمت اناملك الذهبيه على ما تخط لنا من جديد وابداع لاتحرمنا من جديدك المميز نحن بشوق دائماااا للمزيد والمزيد تحياتي لك
    اخر مواضيعي:

  8. #8
    المحياوي غير متواجد حالياً
    فراتي فضي المحياوي is on a distinguished road
    تاريخ التسجيل
    Dec 2010
    الدولة
    بغداد
    المشاركات
    999


    افتراضي رد: لا الحية تنسة ذيلها ولا الراعي ينسة ابنة

    شكرا والف شكرا على المشاعر الرقيقة والتعبير الرائع
    وهذا ليس بغريب على الغالية (حب سارة) واكرر امتناني لك على المرور
    اخر مواضيعي:

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. كرايسلر تطرح السيارة الجيب رانجلر أنليميتد 2011 في السوق المصري
    بواسطة عذراء الجمال في المنتدى صور السيارات
    مشاركات: 2
    آخر مشاركة: 17-01-2011, 07:53 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك