+ الرد على الموضوع
النتائج 1 إلى 2 من 2

الموضوع: بقلمي-خمسين حزوره وحزوره شعريه اختبر ذكائك

  1. #1
    فراتي برونزي ناصر اسماعيل الموزاني is on a distinguished road
    تاريخ التسجيل
    Mar 2011
    الدولة
    سنبورگ
    المشاركات
    398

    ? بقلمي-خمسين حزوره وحزوره شعريه اختبر ذكائك

    اجب على الحزورات واختبر ذكائك
    الاجابات ستكون في الاسفل
    {1}
    أكو حيوان لايولد ولا يبيض
    ويتكاثر هواي بموسم الگيض
    ........
    {2}
    حلگ عنده ولا يقبل وليمه
    وينقلك خبر بس مو نميمه
    ....
    {3}
    جسمها لكل نظر عريان مكشوف
    وما عدها عيون وكلشي أتشوف
    .....
    {4}
    يغيب وي الظلام .....ومايجي وياك
    وأذا تمشي يظل يمشي أعله ممشاك
    .....
    {5}
    شي موجود في بغداد.. ودياله
    وبالبصره أختفى ما بين أهلاله
    ...
    {6}
    إله ضفتين حلوه وماي إله بارد
    نهر اسمه يتكون من حرف واحد
    ......
    {7}
    تسمعه وما تشوفه وما تمنعه
    وأذا شفته تبطل.... ماتسمعه
    ....
    {8}
    هو بالدقيقه......... أثنين عنده
    وتشوفه بالقرن بس مره وحده
    ...
    {9}
    أذا يمشي صعب ...تگدر ترده
    واذا شلت الوسط ينگلب ضده
    ...
    {10}
    خمس حروف عنده بحرف يتبدل
    يصير أثمانيه من تحذف ..الاول
    ...
    {11}
    أبيوت أشگد جميله وتعبو اعليها
    لا أحد سكنها....... ولا گعد بيها
    ...
    {12}
    العگرب لو لدغ من لدغته أتحسه
    وأكو عگرب ميلدغ ...لمن تلمسه
    ...
    {13}
    شي انته تملكه وما تتركه
    وغيرك منك أكثر هم يملكه
    ....
    {14}
    لا تگدر توكفه ولا تجيسه
    كلما زاد ينقص من تجيسه
    ...
    {15}
    أسمه مثل لونه وماكو غيره
    وبطنه شمس وكت الظهيره
    ...{16}
    يمشي بلا رجل... لايمتلك أيد
    ويدخل بالمسامع وكت ميريد
    ...
    {17}
    أذا عبيتله وكلته..... يزغر
    واذا منه خذت يوسع ويكبر
    ...
    {18}
    جيران وخوات... وما تمر بيها
    أبد متشوف أختها ولا تحاچيها
    ...
    {19}
    لاعنده أبو...... لاخال لاعم
    وعنده أولاد كلهم من فرد أم
    ....
    {20}
    سابع كل شهر.. ثابت ميتبدل
    يتحول فاكها من تحذف الاول
    ....
    {21}
    أبن المي أذا بالماي حطيته
    يموت وما يجي أحد لتعزيته
    ...
    {22}
    جرح لاينزف.. ولا يعرف الدم
    وهواي الجرح من عنده أرحم
    ...
    {23}
    أبطن بطنه الشعر ينبت ويطلع
    وأذا ياخذ هوى من عنده يرجع
    ...
    {24}
    لاعقل عنده ........ولا عنده حنان
    ولو حچه يحچي الحقيقه بلا لسان
    .....
    {25}
    أمس چان ما موجود لامر لا أجه
    وباچر يموت.... وگبل باچر نجه
    ....
    {26}
    عند أهل الشعر بالوصف معروف
    البع منه تزيله... أتزيل الحروف
    ...
    {27}
    أشگد ضعيفه أتضيع بين أچفوفك
    عينها مفتحه....... وأبد متشوفك
    ...
    {28}
    يظل وكت المدارس.. بيه ينقاس
    واذا كضيته صاح وطلعت الناس
    ...
    {29}
    تطگها بلا ذنب تصعد بلا أجناح
    تسببلك حزن ....وتسبب أفراح
    ...
    {30}
    شنهي إلي بچت... من دون عينين
    وتمشي ولو مشت من دون رجلين
    ....
    {31}
    هذا يا بحر .....ما ينرسي أعليه
    ولما يعرف سباحه ما غرگ بيه
    .....
    {32}
    شنهو إلي على الايدين .أحمر
    وبالسوگ أنعرف بلون أخضر
    ...
    {33}
    بدقيقه وثانيه .......وباليوم موجود
    وبالساعه أختفه من الساعه مطرود
    ...
    {34}
    قفص بس مو قفص يحبس بلابل
    قفص وبداخله ......حب وتواصل
    ...
    {35}
    يدل أعلا الوكت مو ساعة أبراج
    ولا هو ملك ....بس لابس التاج
    ...
    {36}
    بيت وتسكنه.. آلاف الاخوان
    وابد ما يتسع ويشيل أنسان
    ....
    {37}
    هو مو للصيد بس ...قوس وطويل
    ومن تشوفه أتگول هذا أشگد جميل
    .....
    {38}
    أبيدك تحسه.. أذا تلمسه يذوب
    وهو يحمل ماي بس كله ثقوب
    ...
    {39}
    يكلم الناس بس فاقد أحساسه
    ويظل عايش أذا تگطعله راسه
    ...
    {40}
    يتحرك ويلعب وكت ميريد
    ولكن ما تحسه بلمسة الايد
    ...
    {41}
    دولتين وجيوش وبيها ماكو أبيوت
    وأذا مات الملك... وياه كلها أتموت
    ...
    {42}
    شنهي إلي مشت مشيتها گوه
    عضمها فوگ واللحمات جوه
    ...
    {43}
    شي ترفض تلبسه وتمشي وتعوفه
    واذا مره لبسته........ ابد متشوفه
    .....
    {44}
    شنهي أعلا القمر... مرسوم ليفوگ
    وثلاثهأعلا الشمس أيشبهن الطوگ
    ....
    {45}
    كلمه وشايله بمعناها الحروف
    وبس أثمانيه بحروفها أتشوف
    ....
    {46}
    نهاية كل درب....... معرف تاليه
    ونهاية كل حرب من يدري شنهيه
    ....
    {47}
    لاعنده جسم.... لا روح عنده
    وأذا تحچي الحچي عندك يرده
    ...
    {48}
    أصفر كالشمس سارق عقول الناس
    يتباها الملك لو حطه فوگ الراس
    ....
    {49}
    شي انته أذا يحملك حملته
    واذا شيب بعد عشره تركته
    ...
    {50}
    وين بيا بلد.. مابيها سكان
    ولابيها أرض فوگاها بيبان
    .....
    {51}
    ما الشي الذي من الماي يطلع
    ويموت بساع لمن بيه يرجع
    ................
    ............
    اذاكانت الاجابات صح من20ال 25يعني جيد
    واذاكانت الاجابات صح من 30 الى 35يعني جيد جدا
    واذاكانت الاجابات صح من35الى40يعني جيد جدا ممتاز
    واذاكانت الاجابات صح من 40الى 50 يعني يمتلك ذكاء غير عادي


    ...الاجابات
    ........
    1-الذكر من الحيوانات
    2-التليفون
    3-المرآة
    4-الظل
    5-حرف الدال
    6-نهر السين
    7-الرصاص
    8-حرف القاف
    9-بحر
    10-عثمان
    11-بيوت الشعر
    12-عقرب الساعه
    13-أسمك
    14-العمر
    15-البيض
    16-الصوت
    17-الحفر
    18-العينان
    19-آدم
    20-تموز
    .21-الثلج
    22-جرح الشعور
    23-الخشم
    24-الميزان
    25اليوم
    26-غزال
    27-الابر
    28-الجرس
    29-الكره
    30-السحابه
    31-بحر الشعر
    32-الحناء
    33-حرف الياء-ي-
    34-القفص الصدري
    35-الديك
    36-بيت النحل
    37-قوس قزح
    38-الاسفنج
    39-القلم
    40-الهواء
    41-الشطرنج
    42-السلحفاء
    43-الكفن
    44-النقاط
    45-الابجديه
    46-حرف الباء
    47-الصدى
    48-تاج الذهب
    49-الحذاء
    50-بلد على الخارطه
    51-الملح
    .......
    كلمات
    ناصر اسماعيل الموزاني
    اخر مواضيعي:

  2. #2
    جوجو البصراويه غير متواجد حالياً
    فراتي جديد جوجو البصراويه is on a distinguished road
    تاريخ التسجيل
    Nov 2012
    الدولة
    البصره
    المشاركات
    5

    افتراضي رد: بقلمي-خمسين حزوره وحزوره شعريه اختبر ذكائك

    خيو ناصر
    لصراحه إبدعت يامبدع عاشت ايدك ربي يسلمك
    اني حليت بس 15 حزوره
    ننتظر المزيد من ابداعك ياراقي اخر مواضيعي:

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. اختبر ذكائك مع هالعبة
    بواسطة مستر بات مان في المنتدى الموبايل
    مشاركات: 0
    آخر مشاركة: 23-04-2011, 09:10 AM
  2. اختبر ذكائك
    بواسطة samoona في المنتدى حوار ونقاش
    مشاركات: 5
    آخر مشاركة: 28-02-2009, 07:53 AM
  3. اختبر ذكائك
    بواسطة محمود22 في المنتدى الحزورات
    مشاركات: 4
    آخر مشاركة: 01-01-2009, 09:40 AM
  4. اختبر ذكائك
    بواسطة bodour في المنتدى الحزورات
    مشاركات: 2
    آخر مشاركة: 24-04-2008, 05:10 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك