7-ابوذيات الشاعر حسين الساعدي-الجزء السابع

كلبك لو يعوفك لا تعت به
وزمانك من يخونك لا تعاتبه
إوبيت الما يريدك لا تعَتبه
والك عزة نَفس لو للمنيه



------------

الزمن خَله القهر روحي يطبهه
اشتكيت وكال لي طوب ال يطبهه
يجيني بطبلته اكبالي ويطبهه
ويلم شماتي والحاقد عَليه


----------


عتيت الكلب لليوم عاتي
يكولون الكُبر معناهه عاتي
رغد جبار من اتكول عاتتي
أنه اوياك خل نوكع سويه


---------


أطشرك وارجع ابكلبي بَصفك
وبكل كعده أحب اكعد بصفك
تمنيت أدرس ودرسي بصفك
حتى الواجب انحله سويه


----------


جنت ابكلبي بس هسه شمرتك
مر طبعك طلع ويلي اشمرتك
تحب الغدر واضح من شَمرتك
يبو شمرة غدر لتمر عليه


---------
حسين الساعدي
من نيران غَدرك مستوي أنه
وابد ما صرت هابط مستوي انه
أنه اتحداك توصل مستوانه
رَغم ما اني سَويتك بديه


--------


ماكو انسان بالدنيا بلا هَم
كل الناس مبتليه ابلاهم
واحنه الما تهنينه بلاهم
وتبقه اهمومنه لو للمنيه


-----------

مره أقرء أبوذيه بسته مره
وابد ما تمل منه بس تمره
أذكر وأنه جاهل بسته مره
وأحس بالتين طعمه الهل مسيه



----------

راح اللي أحبنه ولا راد
وكلبي ما هوه الغيره ولا راد
فاتح بابي ومتاني ولا راد
عسه ويزورني ابهاي المسيه


--------------



هاج ألاامي كلها هَوجاني
ولا جاني ابمحبته هوَجاني
اني ما رحتله هوَ إجاني
بس عاين عَلي ذَبني رميه


الشاعر حسين الساعدي
راق لي

اخر مواضيعي: