المساعد الشخصي الرقمي

مشاهدة النسخة كاملة : بكلوب شيعت علي خط القلـم لافته



الامير العراقي
05-11-2009, 07:24 PM
بكلوب شيعت علي خط القلـم لافته

رايات نحمل اله بيه الصــور لافته

من حيث بيه انكتب عن الولي لافته

لافته غيرك علي يمه اندفن جاري

اعيوني من الندم حسره والم جاري

الموت حتما الي ياخي تــره جاري

يعزل الشيعه علي بيوم الحشر لافته

الدنيه اخلاف شخصك من فتاهه

البلاغه بنهجه صارت من فتاهه

مهجتي ابيوم موتـي من فتاهه

لكو نص لعلي ونص الزجيه


***********************************
وحك الـــــــــــــي ثوابه نريد وجره

مصابي ما سدا لمحبوب وجره

اذا همك سرى نيران وجره

انا من الهم طحت فوك الوطيه

منو مثــلي بني آدم تمر مر

و عليه الفرحه ما مره تمرمر

أنشدك يوم هم شايف تمرمر

مريض انا و دوا وصفوه اليه


*****************************************

سهرت الليل بودادك و حييت
و قلت مرحبه بطارشكم و حييت
يامطرب طفت بالكعبة و حييت
إذا جايب حبيبي وياك إليه

*****************************
من منكم علي نشد من سال
جفيتوا و بجفاكم صوت من سال
شعندي غير دمع العين من سال
إخفف بيه مصار الصار بيه

*************************
يلوم المادرى بروحي شمرها
مايدري الدهر عن ودهم شمرها
ليالي فراقهم والله شمرها
أمر من المنازع بالمنية
*****************************
علامه الدهر شتتنا و طرنا
عقب ذاك الطرب بالهم وطرنا
الف ياحيف مقضينه وطرنا
وليالي الي مضت متعود ليه



***************************
تأمل كون ملحوظة و حفظه
بيابي العين أظمنه و حفظه
يهل ماشي بمان الله وحفظه
يحرسك و بسلامة تعود ليه




*******************************
علي جيش الهوى صور حربلاك
وجفني ماغمض ساعة حربلاك
انت عين الشمس وأنا حربلاك
صرت وأهل الهوى قايست بية


*****************************
نجم حسن الترف عقلي أخله
ظهر لهل المحاسن ضي أخله
بجمالة لاتظن يوجد أخله
ولاولدت شبية أم البرية




**********************************
نحت بفنون الخمسة ولكفان
رسمت أمثال من زهيك ولكفان
أضل بهواك للوزره ولكفان
إعذرني لو صرت حدر الوطية


********************************
دنيف متيمك مايوم بسم
مغذيني ياساهي العين بسم
من وجدك غديت أنلظم بسم
بدسم الخياط إيضيج بيه




********************************
يناهي لاتشد بالراس وبره
تظن منك دليلي يسل وبره
أنا جم دوب أكد للظعن وبره
الظعن و أهل الظعن شحوا عليه





*******************************
وحق الي تعبده الناس منشاف
الدمع من يومكم لليوم منشاف
الف ياحيف شفي إنقطع منشاف
بعد هيهات جمعتنا سوية




*********************************
سروا و أنووا ظعنهم وين يردون
ظمايه ومن دموع العين يردون
لون أهلك حبيبي عبد يردون
رضيت إن جان يرضون بية




********************************



بجيت وزادن جروحي ولاماي
علي الماطال الي وياهم ولاماي
لاهو دم دمع عيني ولاماي
لكن روحي تذوب وتسح هية


*******************************
طيب وماي دهن الورد منهل
عرقه و خجل من البدر منهل
أحبك يانديمي أنا منهل
الله ولاتظن ظنة ردية


******************************



لوعني زماني انحلت كليت
وعلى روحي غضى ضويت و كليت
بجيت و دم دموع العين كليت
على خلي السكن بالناصرية
*************************
وحق عقد الولاية ون باه
جمع أعضاي صارت ون باه
ياحادي ضعون ولفي ون باه
نريد وياه نترافق سوية



(( منقــــــــــــــــول ))

ارجو مراجعة هذا الرابط للأهميـــة
http://www.alforat.org/showthread.php?t=22548 (http://www.alforat.org/showthread.php?t=22548)

اميرالاحزان 1985
05-11-2009, 09:34 PM
احسنت ابوذيات جميله و رائعه

شكراااااا ننظر جديدك

مع تحياتي اميرالاحزان 1985

الامير العراقي
06-11-2009, 04:09 AM
مشكور حبي امير على المرور الجميل
منور الموضوع

ام علاوي
06-11-2009, 01:56 PM
زهيري وابوذيات جميله جدا
رائع ياامير
لا حرمنا ابداعك المتجدد
لك كل الود عزيزي

امير الربيعي
06-11-2009, 02:05 PM
عاشت ايدك اخويه امير فعلا ابو ذيات رائعه دومك مميز ومبدع وفنان في مواضيعك الجميله ننتضر جديدك

عمار الغزي
06-11-2009, 04:20 PM
عاشت وسلمت الانامل التي ابدعت
تقبل مروري

امير الاحزان:
06-11-2009, 05:22 PM
تسلم حبي الامير
ولكن كم مرة انقول ونوجه عليكم ياشباب كتابة ((منقول))
****ترى ما تخسرون شي*****
اذا كان الموضوع مو الكم...
تحياتي يالغالي
زهيري وابوذيات روعة

سلام الدراجي
06-11-2009, 06:15 PM
الاخ العزيز امير احسنت نقل ازهيري
وابوذيات رائعه بارك الله بك اخي الغالي
تحياتي وتقديري

الامير العراقي
06-11-2009, 06:26 PM
مشكورين حبايبي على المرور الجميل


ولكن كم مرة انقول ونوجه عليكم ياشباب كتابة ((منقول))
****ترى ما تخسرون شي*****

ههههههههههههههههه
والله ما اخسر شي بس دا انسه والله
تحياتي للمارين