المساعد الشخصي الرقمي

مشاهدة النسخة كاملة : ابوذيات حلوه وحزينه ادخلوا وشوفوها بس وياكم كلنكس



هديل الحمام
18-11-2009, 06:23 AM
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
قمت صليت من غــصبن عليه

جمالك زاد عن يوســف وقبله
وحبك صار لي منــــــبر وقبله
أمر أعلى الصخر يافلان وقبله
لأن قلبك صخر مـــــاحن عليه

يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه

أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه

اشمالك يازماني عـلي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبــني بنويه

المصايب بس على روحي تلافت
يقلبي اعله النكر طيــبك تلافت
اون وعطامي بهــجرك تلافت
طريح وســاد دوب النفس بيه

يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه

أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه



انشاء الله تكون عجبتكم هذي الابوذيات



منقول:66 (185)::66 (8):

وليد الربيعي
18-11-2009, 10:05 AM
المصايب بس على روحي تلافت
يقلبي اعله النكر طيــبك تلافت
اون وعطامي بهــجرك تلافت
طريح وســاد دوب النفس بيه

ابوذيات في غايه الروعه
اتمنئ لكي التوفيق
هددددديل الحمام

ام فيصل
18-11-2009, 02:18 PM
باقة جميلة عزيزتي
شكرا لك ولجميل اختيارك
ودام لنا هذا العطاء والجهد المميز

مع تحياتي لك

سلام الدراجي
18-11-2009, 03:18 PM
روعه تلك الابوذيات اخت هديل
مشكور للنقل
دوم التواصل والابداع
الدراجي مر من هنا

امير الاحزان:
18-11-2009, 05:02 PM
باقة رائعة من الابوذيات اختي الغالية
والله حقك من تكولين وياكم كلنس
اي وربي اتأثرت بيهه كثير
شكرا" الك