المساعد الشخصي الرقمي

مشاهدة النسخة كاملة : ابو ذيات حب



المحظوظ
26-11-2009, 10:28 AM
عسل بشفافهم كل وكت مريت
حلو طيب جنت مجبور مريت
أليخون بعشرته ياريت من ريت
يجي بساعه زعل يوكع بدية







عسل بشفافهم كل وكت مريت
حلو طيب جنت مجبور مريت
أليخون بعشرته ياريت من ريت
يجي بساعه زعل يوكع بدية







عنيد وهألعناده ألبيك مره
أليزعلك روحله وبألجذب مره
يمكن يعترف بألشوك مره
ويكلك منك أحتاجيت جيه







فاض ألشوك بيه وألمحنه
وكون أحضى بخيالك وألمحنه
ألم شمعات بيه وألم حنه
حزنا لأن مامريت أنت بيه







ماصخ جنت وبجفي ملحتك
تلح ماتلح متهمني ملحتك
يعنكود ألعنب لتظن ملحتك
كبل لاجيك طحت أبين أدية







هدل متني وسألتيني شهد لا
عليج أول بشر صلى وشهد لا
ألاه غير سبحانه شهد لا
تسأليني بعد ع ألصار بيه







وحق بير ألذي ليوسف حمدلاه
وحق ألطله للباري وحمدلاه
قضيتك مو طبيعية حمد لاه
هدل متنك عليمن شنهو ألقضية







ألأبوذيه بس ألك وحدك نصبها
ومحاجيك عسل ع المر نصبها
ألكلب جم سيطره بروحي نصبها
غيرك مايمر لو مو هويه







دريتك بيه تغدر وعلمنك
وصيتي يفوق صيتك وأعلى منك
يصير ألخير باجر وأعلمنك
وأصفالك ورد ألحك أليه







ربع عمري ألج يرخص ونصفي
يحلوه أرجوج فهميني ونصفي
نصفي غارك بحبك ونص في
سبع لوعات بس يبجن عليه







زمانك لو زعل وياك خله
وأسكت لاتبين بيك خله
ترى مو سهله ألخليل يعوف خله
بس صعبه ألكرامه تموت بيه


منقول

الدراجي 22
26-11-2009, 10:43 AM
الله يامبدع ابو ذيات روعه

سلام الدراجي
26-11-2009, 12:36 PM
حياك يالمحظوظ رائعه تلك الابوذيات المختاره
جزيت خيرا للمجهودك
كل عام وانت بخير
تقبل تحياتي

امير الاحزان:
27-11-2009, 05:10 PM
زمانك لو زعل وياك خله
وأسكت لاتبين بيك خله
ترى مو سهله ألخليل يعوف خله
بس صعبه ألكرامه تموت بيه
*********
احسنت اخي لهذه البوكية من الابوذيات الرائعة
دوم التالق والتميز
وربي ما يحرمنا منك
وكل عام وانت بالف خير