المساعد الشخصي الرقمي

مشاهدة النسخة كاملة : ابو ذيات جديدة4



قاسم الناصري
06-12-2009, 11:19 PM
مو حب بالكلب هذا ورم شاك
واذوب بشوفة عيونك ورمشاك
اظل للموت بس امشي ورة مشاك
لان روحي لتحبك مو بدية

*** *** ***

غرامك فتت المهجة وسلها
وسهم غدرك مرد روحي وسلها
نجوم ليلك حلفها وسلها
ما حب غيرك لاخر نفس بيه

*** *** ***

احبك من زمن جدي وجدك
وروحي راحت مني وجتك
دورتك بين اظلوعي وجتك
بنص كلبي ومعشعش عليه

*** *** ***

وجت نار كلبي بس طفت بيك
ولو مو كعبة انت بس طفت بيك
امس ماشفتك اني بس طفت بيك


خدرت وجن كلبي واكع بدية

امير الاحزان:
07-12-2009, 05:11 AM
ابوذيات جميلة اخي
احسنت لهذا البوح الملتهب نار
الهبت بها مشاعرنا معك
لاعدمناك اخي
دوم التواصل
تحياتي

حيدر القريشي
07-12-2009, 08:38 AM
صح لسانك اخويه قاسم
وعاشت الايادي على هذه الباقه الرائعه من الابوذيا
دوم الابدع والتالق حبيبي
لك مني كل الود والتقدير
مع ارق التحايا لك

قاسم الناصري
07-12-2009, 01:24 PM
لا اجد من كلمات الشكر ماتكفي
لاقدمها لكم فقد عجزت عن وجود
كلمات الشكر التي تليق بكم لردودكم الجميلة ومروركم الرائع الذي يجعلني فخور بما اكتب