المساعد الشخصي الرقمي

مشاهدة النسخة كاملة : الـــــــــف وســــــــفه ياوطـــــــن



قرة العين
14-12-2009, 03:37 AM
السلام عليكم يا اعضاء الفرات




الـــــــــف وســــــــفه ياوطـــــــن

الف وســـــفة الانيقة تنظلم ......... بغداد
سلام الله على باب الحوائج اســــد ....... بغداد
بالارض جنة وروعة سمـــــا ....... بغداد
الشر غير لونهه من بيضة الـ رمادي
نار الغـــدر تطفى وتصبح ........... رمادي
خلي منطقك ابيض دوم وتحاشـــة ........ الرمادي
حي الله اهل الكرم والجود اهل ........ الرمادي
بس لو تصعد للثريا ما تلحگ البصرة
وحگ الواسـع بسمعه و ........ بصره
وعدوي لو نظرني بشــر ماخوفني .......... بصرة
بصري انه ولحد المـوت اعشگ .......... البصرة
تواصلني بأصالتهه وبهواها موصل
سليكون بهواكم لانيعــازل لاني ......... موصل
رحمة الله عالما گطع رحـمه ودوم ......... موصل
هايم بأرض نبي الله يونس الشگرة ........ موصل
بالغيرة جبل عالي وضميرهم مايوم جف
نشف ريجي وشما ارتوي رد انوب ............. وجف
مااشبع من زيارةعلي وحب اهل .......ـ.... النجف
گلبي سمچة وتايهه ابحر .......... النجف
يأرض المذهب ال**** ومنبع الدين
شما توفي تضــل مطــلوب للجبار ............. دين
اليواسيك بدمعته ترى حـتى الدمعة ........... ديـن
اخذ عروبة وحـلم من صلاح ............. الدين
اهل چلمة وبيـــهم الوفى حله
حبيبي مرافگ الزغـران وترك .............. حله
بالك تحرم شــــي الله بجلاله امر .............. حله
يالتسئل عالحلو ترى الحلو ............... الحلة
شافت ضيم وقهروفوگ القهر بله
گلبك لا يجــــف و برقتك دوم .............. بله
وهلدمعة عالجره برض ............ كربله
اسودت بوجه الحسين ونجمعت كرب.......... وبله
لامامي مابطل زيارته ومد ايدي اله
المدي ايده ما ستنكف منمد ............ ايدي اله
ونطي وجه ريان مثل برتقال ............. ديـــــــالى
ثلث الطگ للـــــوطن وثلثين ............ لديالـــــــى
صرح هي بداخلي ومبنية عمارة
قيمة البشر مو فلوس وسـيارة ............ وعمارة
البشرللموت يمشي شما طالت .......... عمارة
مدرسة غيرة وزلــــــــم ارض .......... العمارة
للحگ فزعو فرد فزعة وكلهم ناصرينة
ثلة ارجـــــــــال
سبعين لحسين ......... ناصرينه
اما من نــــــــا صر وقلة .......... ناصرينه
بالرجال مجربة كــــــدهه ......... الناصرية
اخلاقها بالعرف مضيف وديوانية
ضيفي اله عيــوني وصدري .......... ديوانية
بالشعر اسولفله شـــــعر ونظلمه .......... ديوان
يالگاصدار الـعاصمة مر........ بالديوانية
تلگاها ابية نفس هي مثل كركوك
جميلة مكـــــحلة بالنفط ........... كركوك
وعيون الطـمع كلهه على ............ كركوك
العرب گالت الي والكرد تتمــنى ............. كركوك
تندرج لقليمهم وتصبح مثل اربيل
حر البصــــرة ما ينحمل ومعتدلة.......... اربيل
طبيعة وبالشــــــكل اوربا ......... اربيل
اريد انشدكم ياعرب هم عدكم نفس ......... اربيل
عروس الوطن ومكمل حسنهه السليمانية
مغرورة بحلاوتهه حگـــها ...... السليمانية
اتفك الصدربسحرها وجبلـــــــها ..... السليمانية
جمال وحسن منــظر اهل ...... السليمانية
لو ما هي ما حلت بعيوني بغداد




مما تصفحت

امير الاحزان:
14-12-2009, 03:44 PM
بارك الله فيك اختي لمشاعرك الوطنية
وغيريتك العراقية
هذا ان دل على شئ انما يدل على اصل معدنك الطيب
كثر الله من امثالك
لاعدمناك اختي الغالية
تحياتي
اخوك الامير

محتاره
15-12-2009, 12:20 AM
الله على هالابوذيات الاكثر من روووووعه

عاشت الايااادي يا مبدع

شكراً لك

مودتىى

قرة العين
15-12-2009, 01:36 AM
بارك الله فيك اختي لمشاعرك الوطنية

وغيريتك العراقية
هذا ان دل على شئ انما يدل على اصل معدنك الطيب
كثر الله من امثالك
لاعدمناك اختي الغالية
تحياتي

اخوك الامير



وبارك الله بكم يا اهل الجود والنخوه والكرم وكثر الله من امثالكم
وسلمت يداك اخي الكريم على هذه الكلمات الرائعه
فهذه شهاده قيمه اعتز بها من اخ كريم وعزيز على قلوبنا
فالعراق وشعبه الخالد يستحق اكثر من هذا
فالعراق مزروع في القلب وليس في اللسان
واتمنى من الله ان يحفظ جميع ابناء الشعب العراقي
ويحميهم من كل مكروه انه هو السميع المجيب الدعوات
مع التحيه والتقدير

ام فيصل
15-12-2009, 06:32 AM
الله الله عليج عزيزتي
وعلى جمال هذا الإختيار
زنجيل رائع وكلمات واحساس أكثر روعة

بارك الله فيك
ودام لنا ابداعك

وحفظ الله العراق ومدن العراق وشعب العراق من كل مكروه

مع ارق تحياتي

قرة العين
15-12-2009, 06:42 AM
الله على هالابوذيات الاكثر من روووووعه

عاشت الايااادي يا مبدع

شكراً لك

مودتىى


اسعدني مرورك الرائع
لك الشكر واصدق الدعاء
دمتي بخير

قرة العين
16-12-2009, 01:27 AM
الله الله عليج عزيزتي
وعلى جمال هذا الإختيار
زنجيل رائع وكلمات واحساس أكثر روعة

بارك الله فيك
ودام لنا ابداعك

وحفظ الله العراق ومدن العراق وشعب العراق من كل مكروه

مع ارق تحياتي



اسعدني حضورك المتميز والرائع
ودام لنا هذا التواصل الطيب والجميل
لكِ الشكر واصدق الدعاء
حماكِ الله من كل مكروه
دمتي بود