المساعد الشخصي الرقمي

مشاهدة النسخة كاملة : ابوذيات تجنن واللة



نارتو
14-12-2009, 12:42 PM
يوسف شافك بحلمة قصيدة
وابو الطيب خجل يمك قصيدة
رمشك شاعر وعينك قصيدة
وعمت عينه اليكلك مو قوية


علي جار الوكت تنشد بلا جار
وبعت بيتي وسكنت البر بالاجار
بـــــلا صاحب بــــــلا زاير بلا جار
خيال الكوخ صاير جار اليه


حجة واحد علـــــيه واعلم انك
واريد احجاية اخبرك واعلمنك
انه بالبير نـــــــازل واعله منك
احطك وين من نوكف سوية هاناح الكلب هاصـرخ ها ون
هاوينك صرت محبوبي هاويـن
حبيبي انه وضرب عالكلب هاون
فجرني وكعد يبجي علــيه

لجل عينك لشد رتبه ملاوم
ويلي بحبك أظل أطبع ملازم
اذا مارايدني عوفـني ملازم
الف واحد يذب روحه عليه

انا الصياد وصـادتني شبكتك
حالم بيك جن بستك وشبكتك
ادك عليك مشـ...غولة شبكتك
انه الممنونة اذا تدك عليــه

وحق اللي تعبده الناس وحده
حبك سلب مني الروح وحده
هذني اثنين وانت اختار وحده
تحل لو تظل محبوب اليه

وحق عينك وحق جفنك ورمشاك
اظل طول العمر امشي وره مشاك
عندي بالكلب منك ورم شــاك
اطيبن من تحــــط ايدك عليه

نسيت انه المصايب مانسني
وليالي الفرح ابدا ما نسني
تكلي سني انته؟ مانسني
عراقي وافتخر باجمل هويه

أحبابي شلون حالتــكم بعدنه
شبيدينه والزمن عنــكم بعدنه
اذا انتم نسيتوا احـــنا بعدنه
بذكركم كل صباح وكل مسيه

يطيروياك أخذ مرسال وصـله
وخبره الروح بس تريد وصـله
أخذ ...وياك من الكلب وصـله
بلكي يشوفها ويرجع الـيه

لغيرك ماجرى دمعي ولاهـل
غاب الكمر من شافك ولاهل
مالي جار بهالديرة ولاهــل
بس انت كطعت الوصل بيه

حبك زيد جروحـي والالام
كلبك مامرة عاتبـني ولالام
منك كلشي ممجـمع ولالام
غير هموم وأحـزان وأذيه منقول

امير الاحزان:
14-12-2009, 03:30 PM
باقة رائعة من الابوذيات
ننتظر جديدك
تحياتي
اخوك الامير

محتاره
15-12-2009, 12:16 AM
يوسف شافك بحلمة قصيدة
وابو الطيب خجل يمك قصيدة
رمشك شاعر وعينك قصيدة
وعمت عينه اليكلك مو قوية

سلمت اناملك يا مبدع

ابوذيات رااائعه بحق

شكراً لك

مودتىى

ام فيصل
17-12-2009, 12:15 PM
جزيل الشكر لهذه الباقة الرائعة عزيزي
ودام لنا هذا التواصل والتألق
اختيار مميز
دمت بكل الخير