المساعد الشخصي الرقمي

مشاهدة النسخة كاملة : ابوذيات



سهر
24-12-2009, 07:56 AM
مصايب عل الكلب لصبح والو
الهلبت ما نفعني بعد والو
احبابي بلا ذنب للغير ولو
طبعهم غدر ما بيهم حميه



هاك اخيوط روحي هاك ابرهه
ولو صاير بحرهه ها كبرهه
الك حسره بدليلي ها كبرهه
علي ثكلت مثل ثكلك عليه



حبيبي عليك كلي من تجنه
اليكلك نار جذب منته جنه
تعرف شيصير بيه من تجنه
كبل باب الكلب ياخذ تحيه



حبك بالكلب ياصاح ضلضل
من تعبر علينه يصير ضلضل
تريد اتروح لا لتروح ضلضل
لانك لو رحت شيصير بيه



شمس لو نور وجناتك وجن بيك
ويظلمك من يوصف وجن بيك
اعذرة الهايم بشوكك وجن بيك
صفات البيك بس بالحور هية




انة شمجبل جبلتي تصير يدها
وجيت اخطب انة اليوم يدها
احبهة وهية بظهر يدها
وهي تحبني وابوية بظهر بية



يبن ادم جم مرض زارك وعليت
ولا يوم غسلت كلبك وعليت
يا طير شما طرت انتة وعليت
تطيح وحفرتك مترين هية



خربنة يا وطن كلة بدينة
وصارت طائفية وكلمن بدينة
ليش ما نرجع من اول ما بدينة
نحل الصار ونشوف القضية



كلبي شتعتقد حبة هواية
اذا انتة النفس يعني هواية
احبك حيل تدريني هواية
بكثر حب الجرف لاطراف مية



اكلت المستوي بجفاك وني
اون وعبر ذاك الصوب وني
اصرح من هنا مشتاق وني
احبك لمن ما تدنه المنيه




هله يمضرب اشكر بسمراني
وشل جسمي جماله بس مراني
حجه ودري بكلامه بس مراني
يحاجي بروحه بس يقصد عليه



جوادك للعليهم عنه عنه
وجدامك لليودك دوم عنه
والمايسمع كلامك كوم عنه
بلطافه ولايرى منك اذيه

عمار الغزي
24-12-2009, 03:43 PM
هله يمضرب اشكر بسمراني
وشل جسمي جماله بس مراني
حجه ودري بكلامه بس مراني
يحاجي بروحه بس يقصد عليه

روعه والله عاشت وسلمت الايادي
سهر لا عدمنا الله هذا البداع والتجدد

امير الاحزان:
25-12-2009, 06:29 AM
حلوة ياسهر
والاحلى انتقاءاتك الروعة
دومك مميزة
مودتي يالغالية

سهر
25-12-2009, 09:46 AM
تسلمون لمروركم العطر

نورتو الموضوع

مودتي