المساعد الشخصي الرقمي

مشاهدة النسخة كاملة : ابو ذيات 2010ااااااااااااالعيونكم



احمد البابلي
25-12-2009, 01:04 AM
***********************************************





مريض وبعد ماطيبن ولبره





ولا كبسول ينفعني ولبره





علاجي بالوطن ما صح ولبره





ولا يحصل علاجي بصيدليه





************************************************





الوكت وياي ياصاحب ولك مال





وكضيت العمر لاناجح ولكمال





حتى الجان يوصلني ولك مل





كطع جيته ولا ينشد عليه





************************************************** *************





ضلمنه الوكت ما مره سعدنا





ولاصاحب البشده ... سعدنا





نسينه ذاك صاحبنه سعدنا





ونسينه ذيج جمعتنه سويه





*******************************************





تعال اسمع اخبار اليوم... بابا





وصبح عدنه الحزن مفتوح بابه





الى رحمة الباري.... عمو بابا





وملاعبنه صفت وحشه.. وخليه



****************************************






الوادم تاكل بزرعي ولافات






القسمه وصلت الحدي ولافات






قطار الفرح ما مرني ولافات






ولا حتى بحلم سير عليه








***********************************************






يصاحب من تعد طيبين عدنه






الكرم والجود والطيبات عدنه






جنه بعاد لكن هسه عدنه






تعال نعيد كعدتنه سويه



*******************************************





يدنيه دكي وغني وطبلي






ولاشفت الفرح فديوم طبلي






ادور بالعرب ملكيت طبلي






طبيبي والدوه شحو عليه




*******************************





الكلب ما هاد بس لجلك مشا هد







وصار الخاطر عيونك مشاهد









مو مشهد اصيرن لك مشاهد









واصيرن لك بطل بالمسرحيه






**************************







انه تعلمت في حبك مناهج









ولا تنشد على طبعي منا هج









لون اتريد تهجرني منا هج









وبعد للموت ماتعثر عليه









**************************






اغار عليك من عمك وخالك








ويكتلني كتل من يرن خالك








تعال وشوف بالدلال خالك








ولا تفترك عن روحي شويه








***************************








اريد ابجي الدمع لجلك وصبه








ورش الدرب لجدامك وصبه








علي لطمت نصاره وبجت صبه








وانته ولا رجف كلبك عليه






*********************************





الك مثل الكمر بالعيد... طلعه






وغرامك دوم للتهوا.... طلعه






طلعت وياي ابد موخوش طلعه






وعفتني للمرار....... وللاذيه





********************************





سلام شعجب ما تعرف جناسي






وانته بالشعر كالو جناسي






تراني ما ردت منك جناسي






ردت تشرحلي بيت الابوذيه





*************************





بدمع عيني كتبت حروف نصي






وانه بفركاك زين وباقي نصي



حسك بين هاي الناس نصي






ولتخلي الخلك تحجي عليه




*************************





الج صوره بخيالي طابع انه



وصرتيلي هويه وطابع انه



تهت ولكيت روحي طابع انه






ولكيت الكرم عدهم والحميه

*****
((ابوذيات مختارة))

امير الاحزان:
25-12-2009, 06:25 AM
الله الله
حلوة يا foraten.net/?foraten.net/?foraten.net/?foraten.net/?
دومك مميز
اتمنى لك التواصل والتألق

ام فيصل
25-12-2009, 07:53 AM
مشكور عزيزي
ابوذيات جميلة
واحساس اجمل
تحياتي لك ولهذا الجهد المميز
دمت بكل الخير
مع تحياتي

ام علاوي
25-12-2009, 04:27 PM
روعه يابو شهاب
دوم الابداع عزيزي
ننتظر جديدك بشوق
تحياتي

عمار الغزي
26-12-2009, 10:40 AM
عاشت وسلمت الايادي
اخي ابو اشهاب ابيات
في غاية الروعه والجمال
تقبل مروري بصفحتك

ام شامه
26-12-2009, 10:47 AM
الوكت وياي ياصاحب ولك مال



وكضيت العمر لاناجح ولكمال



حتى الجان يوصلني ولك مل



كطع جيته ولا ينشد عليه
والله خوش ابوذيات
عاشت ايدك عيناي
تحياتي الك ورده

سالار
28-12-2009, 06:19 PM
عاشت ايديكم على الابوذيات

احمد البابلي
30-12-2009, 03:09 AM
شكرا لكم على الردود الروعه الف شكر

يسلمو