المساعد الشخصي الرقمي

مشاهدة النسخة كاملة : جرحك ثمر يحسين ..... للشاعر foraten.net/?foraten.net/?foraten.net/?foraten.net/? رفيش



القلب الاسير
01-02-2010, 04:56 PM
جرح مزروع بــاقي وبالصدر موجود ** مثل سباح شجرة وفرعت أغصـــان

ومعروف الشجر كل غصن بيه فروع ** بس هذا الجرح من كل فرع وجــدان

وييبس هالجشر لو منه شح المـــاي ** ويذبل كل غصن ويغير الالـــــــوان

وجرح البصدر معروف يروة منيـن ** دمع العين ماية وما يضل عطشــــان

الورد موجود لكن حد الة ويذبــــل ** ومورد الجرح مايوم مر ذبـــــــلان

جرح بينة انزرع مالة علاج وطيـــب ** لان ينزف دمع والصدر نهر احــزان

ياجرح اليطيب بلوحة ارض الطـــف ** الجم ايه بنحرها جوت البركــــــان

ويا جرح اليطيب بيوم خان البيــن ** حتى وي الرضيع بنحرة مو خلصان

ويادمع اليواسي دمعـــة المظلــوم ** دمع الاكبر الودع ضمه الأحظــــان

وياجرح اليطيب الضنوة الحـــــوراء ** بيوم الشبت اخيام الضعن نيــران

لو جرح الصبر يوم المشت للشــــــام ** او وياها العليل الذلوا الديـــــــــوان

لو جرح المعزة بغيرة تسعر نـــــــار ** من راس الصميدة الهـــــا كمر عدنان

ياجرح اليطيب الحنة ظهر حسين ** سبع الكنطرة يوم الزمن بي خــــــان

جرح الهامة بالعامود بعد ويــــــاه ** ســـهم العين وجفوفة العلى التربان

ياجرح اليروف اجروح ابو السجـــاد ** ويا دمعة التواسي دموعة ياعربـــان

وحك اول واخير الطاح بارض الطف ** ما يشـــفى الجرح لحســــين والقرءان

يبقى هالجرح ويــــانــــا حد الموت** واليوم الحشر اصرخ يبــــو الوليــان

جرحك بالكلب بالروح يبقى ويـاي ** واخط اعلى الجفن كل جرح بالشريان

لان منكر اذا عِـــــد كلــي اعمالك ** اكلة وين اخــــــط هــذا الجفن مليان

واخليه يقرة ويشاهد جروح البيـه ** ويلكة بكل جرح مكتوب اله عنــــوان

اسم حسين وجروحة ومصاب البين ** وارجعة انة الجهنم يذكر العـــــــدوان

يلعن بالسيــاط جيوش أمية بنار ** والهم يصرخ يكـــــــول الجرح ماهان

*************

خادم أهل البيت عليهم السلام

احمــــــد رفيش

----------------------------------

((اللهم أرزقنا شفاعة الحسين يوم الورود))

ام فيصل
18-02-2010, 10:07 AM
السلام عليك يامولاي وابن مولاي ياابا عبد الله

وعطر الله انفاسك على هذه القصيدة المباركة عزيزي
والنقل المميز
دمت بكل الخير
ووفقك الله لكل خير
مع تحياتي

القلب الاسير
09-03-2010, 11:49 PM
شكرا لمرورك اختي العزيزة بعزة الله ودمتي بالخير انشاء الله ..... تحياتي