المساعد الشخصي الرقمي

مشاهدة النسخة كاملة : غنوة عشَك



ام علاوي
29-03-2010, 04:31 PM
((غنوة عشَك))

ياغنوة عشَك حافظها جوه الروح
ياسيف وجرح بضلوعي من أيحد!!


يا أجمل حلم تاه واجاني أبليل
حسبالي الصبح الكَاه من اكَعد!!

تعرف بيهّ شاعر وانتفض بالليل
وتعرف بالشعر هداته من أيهد!

وتعرف بالعقل ما يرضى يالتقسيم!
وإذا مرة انقسم..يعني الجنون أيرد!

مرات اعتنيلك وانسه روحي وياك..
ومرة الكَاها روحي وياك ضد..الضد!

حمامة بيت انته واحنه ربيناك!
ومن ريشك كبر..من عدنه كَمت أتصد؟!

يمعود تعال ولا تروح أبعيد..
بلابل بيتنة بس بسمك أتغرد..

طلع منيّ جنوني وكَمت اسولف بيك
مثل سكران روحي وكَامت أتعربد!!

مجنون اعترفلك..بس اكو مقياس؟؟
حبل امواصلك..رخيتة..وانته أتشد!

يروح الروح انته..ويانبض شريان
عداد الكَلب بسمك تراه أيعد!!

اسولف وية ضلي..لأن شفتك بيه !
وانته لاتجيني..لوعليّ تنشد؟؟

كَلي شلون كَلي؟؟ كَلي..كَلي اشلون؟؟
تبقه انته الغني!! وانيّ الفقير أيكَد؟؟

وتبقه انته الأمير!! وانيّ خادم دوم!!
وتبقه انته السياسي!! وانيّ.ند.الند ؟؟

تدري النار بيهّ واحترَك بسكوت..
يالمايك ضحل...كَلي أشوكت تركد؟؟

.........................

منقول للامانه

رنا العراقية
29-03-2010, 05:15 PM
مرات اعتنيلك وانسه روحي وياك..
ومرة الكَاها روحي وياك ضد..الضد!




عاشت ايدج يا غالية
نقل جميل وضوق رفيع


تقبلي مروي

ام علاوي
29-03-2010, 06:17 PM
رنا منوره حبيبتي
ربي ماانحرم هالطله المميزه
قبلاتي

شاب حزين
29-03-2010, 06:29 PM
كلمات في غاية الروعه والابداع .....يسلمــــــــووووو..ام علاوي ..تحياتي وتقديري

عاشقة المستحيل
29-03-2010, 07:35 PM
http://www.gallery.7oob.net/data/media/19/107363_19-3-2007_153321.gif

ام علاوي
29-03-2010, 07:56 PM
شاب حزين ... نورت متصفحي المتواضع بمرورك اخي العزيز
لاعدمت هذا التواصل الجميل
لك مني ارق التحايا

ام علاوي
29-03-2010, 07:58 PM
عاشقة المستحيل ... شكرا للمرور العطر
الف شكر للحضور الجميل
نورتي عزيزتي
قبلاتي

الشاعر ماجد الدعمي
29-03-2010, 09:21 PM
ياغنوة عشَك حافظها جوه الروح
ياسيف وجرح بضلوعي من أيحد!!

ياخذني العشك ولعيونك اتعناك
وتبقى اباب روحي ووين ماتبعد



يا أجمل حلم تاه واجاني أبليل
حسبالي الصبح الكَاه من اكَعد!!
فزيت الصبح والكيت صوتك طيف
وتمنيت الصبح بجفاك ما اكعد



تعرف بيهّ شاعر وانتفض بالليل
وتعرف بالشعر هداته من أيهد!
مجنون الشعر والروح هزهه الشوك
غيمت نار روحي وبالدمع ترعد


وتعرف بالعقل ما يرضى يالتقسيم!
وإذا مرة انقسم..يعني الجنون أيرد!


وشكلك ياعقل ؟ ماظل بعد كل راي
وياردب بغيابك جدمي شيوجد


مرات اعتنيلك وانسه روحي وياك..
ومرة الكَاها روحي وياك ضد..الضد


يل عايش بروحي وبصفنتي وياي
شلون نصير اني وياك ضد بضد ؟


حمامة بيت انته واحنه ربيناك!
ومن ريشك كبر..من عدنه كَمت أتصد؟!


نزعت ريش العلي حتى اظل هنا
وحمامة بيت من اتطير هم ترد


يمعود تعال ولا تروح أبعيد..
بلابل بيتنة بس بسمك أتغرد..


اجيت وبياجدم من للعشك رديت
وبسمكم مو بلابل روحي التغرد



طلع منيّ جنوني وكَمت اسولف بيك
مثل سكران روحي وكَامت أتعربد!!


وانه السكران بيك وحقي اهيمن بيك

لان انت الوحيد المايشبهه احد



مجنون اعترفلك..بس اكو مقياس؟؟
حبل امواصلك..رخيتة..وانته أتشد!


حبل مواصلك والليل بيه جنون
اهو وينه الحبل ؟حت ايدي بيه اتشد ؟



يروح الروح انته..ويانبض شريان
عداد الكَلب بسمك تراه أيعد!!


احسب بيك كلشي وكلشي اكولن بيك
وهذا اني بخصالك تيهيت العد


اسولف وية ضلي..لأن شفتك بيه !
وانته لاتجيني..لوعليّ تنشد؟؟


انه الامطر عشك من الجدم للراس
اذا مو ليك جا المن احن وانشد ؟


كَلي شلون كَلي؟؟ كَلي..كَلي اشلون؟؟
تبقه انته الغني!! وانيّ الفقير أيكَد؟؟


فقير شلون انت وانت ماي العين
نمد ارواح لاجلك مانمدهه اليد !


وتبقه انته الأمير!! وانيّ خادم دوم!!
وتبقه انته السياسي!! وانيّ.ند.الند ؟؟


انتي البيت كله وانتي ام البيت
وهم انتي الاميره وانتي مالج ند



تدري النار بيهّ واحترَك بسكوت..
يالمايك ضحل...كَلي أشوكت تركد؟؟


انه مايي الضحل واتأمليتج زود
يماي الزود كلي بيارقم تنعد

تحياتي الحاره لك ام علاوي وعلى اختياراتك المميزه والراقيه
وتقبلي مروري وارجو ان لا اكون شوهت جمالية قصيدتك المميزه
ماجد الشاااااااااااعر



.........................

ادم 22
29-03-2010, 10:45 PM
http://up.foraten.net/uploads/ba8545ad68.jpg (http://www.alforat.org/redirector.php?url=http%3A%2F%2Fup.foraten.net)

ام علاوي ....دمت بود وربنا يبارك في علاوي ........ رد .... غنوه عشك ..... تقصدين ( عشق )
دي ابوديات برده ....... بارك الله فيكي .ورائع ما خطه قلمك ابداع . تألق وارتقاء .. ومما راق لي :
يروح الروح انته... ويانبض شريان * عداد الكلب بسمك تراه أيعد .....
ام علاوي ..لاتتركوني زي الاطرش في الزفه مش سامع واهي ماشيه وخلاص ....................
عداد الكلب ( القلب ) دي زي ماده درستها وما حبتها خالص اسمها العروض ....................

تحياتي ادم 22

ام علاوي
30-03-2010, 06:51 PM
ماجد الشاعر ... منبع الابداع وعنوان التألق ورمز التميز
سيدي ... تاهت حروفي وتبعثرت خجلة من روعة وعذوبة كلماتك الرقيقه
شكرا للمداخلات التي تزيدني نشوة
لاعدمت هذيان قلمك ولا روعة تواجدك استاذي الفاضل
كن بالقرب ارجوك
تحياتي لك محمله بأريج النرجس

ام علاوي
30-03-2010, 06:59 PM
ادم ... شكرا لحضورك المميز اخي العزيز
بالنسبة لسؤالك اذا كان الذي قرأته هنا ابوذيه ؟؟
كلا انه ليس ابوذيه هذه قصيده غزليه من الشعر الشعبي العراقي

وكلمة عشك= عشق نعم
وكذلك الكلب = القلب
باللهجه العراقيه نلفظ القاف كاف مع فتحه فوق الكاف وذلك لسهولة اللفظ
وانشالله لن تكون مثل الاطرش في الزفه بالاستمراريه والاستفسار الدائم ستتقن اللهجه العراقيه انشالله
لاعدمت هذا التواصل
لك تقديري الدائم واحترامي اخي الطيب