المساعد الشخصي الرقمي

مشاهدة النسخة كاملة : قصيـــدة (( يمهــــــدينــه )) للشاعر لقمــان البدران



ام فيصل
23-04-2010, 07:42 AM
قصيدة

يمهدينه

يمهدينـــه الليالــي السـود غطـّـتنه
وبجمـــر الغيــــاب الطــــال جوّتنه
وكفنه ابّاب غيــــرك من لفانه الظيم
وحشـّمنه وصرخنــــه وكلهه ردّتنه
يمهدينه اشعجب ماترد لينه الصوت
ومـــا تلحك علينــه ابوكت حاجتنه ؟
وانته تشوف صـار ومايصير وليش
وشنو الأسباب تدري وشنهي علـّتنه
رحلتنه التــــعب من المــــهد للموت
يـــاأعلم الناس بتعب بتعــب رحلتنه
تحملنــه الجرح تلـو الجرح مولاي
ومثل طحن الرحــى الآلام طحنتنه
ريــّـتنه امتلت من ريحـــــة الدخـّان
وبعطــــرك نريـــــد اتطيب ريّــتنه
يمهدينـــــه وحلم ماظل بعـــد بالعين
وكل احلامنـــــه بـلا حلــــم خلـّتنه
خلص عمر الــورد والتمّت الأشواك
وفكس صبــع الظلام عيون كمرتنه
عرفنه الظلم شنهو وشنهو طعم النوح
من بــــدأ الخليقـــــه الهـــاي ساعتنه
من هابيــــل طاح ودمّه غطه الكاع
والــــــم آدم عليــه وحــــــوّه جـدّتنه
ومن يوسف وبيــــره ودكـّة الخوّان
وحـزن يعكوب لاحـت كل مصيبتنه
ومن كسر الضلع ومصاب يوم الباب
لمصاب الطفـــوف الــــزّاد ونـّـتنه
ومن عـــوز الحصار المحركة هدّام
لسيــــوف الذبح الاقــــــدار ودّتــنه
ومن ذاك الزمــــان الحد زمانك هاذ
تفـــر فـرّ المغــــازل بينـــــه دنيتنه
يمـــولاي الضماير شحّت من زمان
والنـــــاس الإجتنه برخص بـاعتنه
فرّقنـــه التحزب والوطـــــن مبيوك
بادين الـّي حسبنـــه اتصون خبزتنه
وعدونه بعنب وانطينه سلـّـة جوع
وماشفنـه العنب .. دنطونه سلـّتنه !!
عبــّاد المناصب والخطــــب والجاه
واتبــــاع الـــرّتب خيـّبــــوا ظنـّتنه
حصّتهم خذوهه من الوطن أضعاف
واحنه المــــوت والتهجيـر حصّـتنه
يمهدينـــــه وأبـد مــــاحسّـبينه بيوم
ولاهـاي الاوضـــاع ابحلم مــــرّتنه
ورقة الانتخـــاب اعلينه نقمه تصير
وحبر الازرك يصير اسباب حيرتنه !!

جــبروت رجــل
23-04-2010, 04:00 PM
السلام على مولانا صاحب العصر والزمان الامام المهدي المنتضر ( عج )
ارواحنا لة الفدى

اختي العزيزة ام فيصل كم رائع وجميل ماتطرحين لنا من قصيدة
جدآ رائعة ومميزة
عاشت تلك الايادي على هذا السرد الجميل
دمتي بحفظ الرحمن ورعايتة
تحياتي لكي

ام فيصل
02-05-2010, 05:16 AM
نورت الصفحة بمرورك الكريم عزيزي جبروت رجل
ولاحرمنا هذه الإطلالة الدائمة
جعلنا الله وإياكم من جند قائم آل محمد وانالنا الله شفاعته يوم الدين

مع تحياتي لك

* البتول *
02-05-2010, 09:47 AM
السلام على مولانا صاحب العصر والزمان الامام المهدي المنتضر ( عج )
ارواحنا لة الفدى

العزيزة ام فيصل رائع وجميل هو اختيارك من القصائد
رائعة واكثر
عاشت تلك الايادي على هذا الاختيار الموفق
دمتي بحفظ الرحمن
بالتوفيق

القلب الاسير
02-05-2010, 06:50 PM
حصّتهم خذوهه من الوطن أضعاف
واحنه المــــوت والتهجيـر حصّـتنه
الله الله ام فيصل بوركتي ووفقتي وانار الله لكي طريقك ورزقكي ورزقنا نصرة الحجة ابن الحسن عليهم السلام وتقبلي مروري البسيط هذا ولكي مني اطيب واخلص التحايا .
القلب الاسير .

الزير سالم
02-05-2010, 07:00 PM
الله الله عليك ياعزيزتي على نقلك المميز

دمتي بهذا العطاء المبارك

ننتظر قلمك الجميل المميز دائما


تقبلي تحياتي

ام فيصل
04-05-2010, 08:13 AM
منورة ياالبتول
الف شكر لك وللمرور العطر وطيب ردك
لاحرمنا هذا الحضور والتواصل غاليتي

دمتي بحفظ المولى
مع اطيب تحياتي

ام فيصل
13-05-2010, 04:28 AM
نورت الصفحة عزيزي القلب الاسير
تحياتي لك وللمرورالعطر
ولك اطيب امنياتي

aliraqia
15-05-2010, 02:47 AM
تحملنــه الجرح تلـو الجرح مولاي
ومثل طحن الرحــى الآلام طحنتنه
ريــّـتنه امتلت من ريحـــــة الدخـّان
وبعطــــرك نريـــــد اتطيب ريّــتنه

اللهم صل على محمد وال محمد وعجــــل فرجهم وسهل مخرجهم
السلام عليك يامولاي

بارك الله بيك
في امان الله

ام فيصل
28-05-2010, 02:03 PM
اسعدني مرورك عزيزي الزير
وكلماتك الطيبة
ماننحرم حضورك المميز
تحياتي واطيب امنياتي لك

العبيدي
29-05-2010, 08:01 PM
حصّتهم خذوهه من الوطن أضعاف
واحنه المــــوت والتهجيـر حصّـتنه

تسلمي يا ام المنتدى
على هذه القصيدة التي
تقشعر لها الابدان
ربي ما يحرمنا من نفسك واطلالتك
وربي يحفظك
لك الف باقة ورد محملة باريج الدعوات
من ابنك
تحياتي

ابوصلاح
31-05-2010, 09:03 PM
شكرا تقبلو تحياتى ومرورى

ام فيصل
04-06-2010, 07:05 AM
العراقية
شكرالمرورك عزيزتي
وبارك الله فيك
لك اطيب تحياتي

ام فيصل
07-06-2010, 04:57 AM
والف تحية وجزيل شكر لك عزيزي ابو مالك
مرورك انار متصفحي

تحياتي لك وللرد الطيب

ام فيصل
15-06-2010, 06:27 AM
شكرا لمرورك عزيزي ابو صلاح
مع تحياتي لك