المساعد الشخصي الرقمي

مشاهدة النسخة كاملة : يل مولدج حل بجماده الاخره = يالزهره يا بنت النبي خير الورى



أنثى شرقية
03-06-2010, 06:20 PM
السلام عليكم ورحمة الله وبركاته


يل مولدج حل بجماده الاخره = يالزهره يا بنت النبي خير الورى


احنه الج انصار = يا معدن الاسرار


ولي يحبكم فاز دنيه واخره


*********


جنة عدن ضحكت الج يم الحسن


واستبشرت بيج الشرايع والسنن


مهد الايمه الطاهره روح الزمن


يا كرة اعيون النبي المؤتمن


وتمايل القداح = منه العطر فوّاح


ومن نورج الكعبة صفت متنوره


*********


هليله عيد وبالفرح نحيي الحفل


بسم البتوله الحره بت سيد الرسل


واجب نقيمه وبفضلهه نحتفل


ونبارك لطه النبي باشرف نسل


هالفرحة بالاسلام = واجب تظل كل عام


نحييهه رغما للفئات الجائره


*********


ربنه اله الكون خص بفاطمه


مستودع الاسرار واشرف اوسمه


تخدمهه بالاجلال املاك السمه


هي الشرف والنور وبيهه الغانمه


وبمحكم القرآن = يتجسد العنوان


الهه عقول الناس ظلت حايره


**********


ثغر الرساله اليوم بيهه مبتسم


والكوثر الميمون صار الهه اسم


اسم المعالي وبيه نبراس العلم


واحنه بنهجه اليوم واجب نلتزم


ونفوز دنيه ودين = بام الحسن وحسين


وكل امه ما تعرف قدرهه خاسره


***********


يرضى اله الكون لو هيه رضت


ويغضب اذا الزهراء مولاتي اغضبت


وهذا الحديث البيه هي اتميزت


عن النبي المختار الفاظه صفت


عن محكم التنزيل = ما يقبل التأويل


عن النبي المختار طه مصدره


*********


كلبي بولاية فاطمة ظل يرتمي


افديهه بالاولاد وبروحي ودمي


وبصفحة الاحرار اسمي فاطمي


وهذا العشك يا ناس اصبح عالمي


عالم عداله ونور = يتحده لاهل الجور


واحنه بحمه الزهراء نلكه المغفره


**********


من مدرسة بنت النبي ناخذ درس


وهذا الدرس مفهوم واضح كالشمس


وكل امة الاسلام واجب تقتبس


نتوحد بهاليوم ونطهر النفس


ابعروة التوحيد = نتمسك ومنحيد


نتحده كل كلفه وقوى مستكبره



******

عمار جبار خضير

ام فيصل
04-06-2010, 07:02 AM
اللهم صل على محمد وآل محمد وعجل فرجهم

مشكورة عزيزتي على هذا الاختيار قصيدة مباركة سلمت يداك
وانالك الله شفاعة الطاهرة ام الحسن يوم الورود

تحياتي لك مع اطيب امنياتي

أنثى شرقية
04-06-2010, 06:56 PM
تسلمين امي الحبيبه لمرورك العطر
دمتي بالف خير

القلب الاسير
05-06-2010, 01:44 PM
بوركت الايادي التي نقلت وكتبت هذه الكلمات التي زينت منتدى الفرات فتقبلي تحياتي وتقديري .

محمود شاكر الهلالي
06-06-2010, 01:34 PM
مولود رائع الف شكر اختي العزيزه عيون المهى

احسنتي وبارك الله بجهدك المميز يا مبدعه

أنثى شرقية
14-06-2010, 02:18 PM
حياكم الله اخواني الطيبين
لمروركم العطر ربي يوفقكم
تحياتي لكم