المساعد الشخصي الرقمي

مشاهدة النسخة كاملة : لاسد الله الغالب علي بن ابي طالب.... (حيدر العقابي)



النجم العراقي
29-07-2010, 05:30 PM
السلام عليكم

تحية لكل الفراتين الاعزاء





علي حيدر امامي لحد كطع لنفاس
ورب العالمين بحكمة مختاـــــــــــرة


علي هوة الذهب ومحـــــمد الالماز
باقي الناس كلهة تراب وغبــــــــارة


علي لو ما علي جا ماعرفنة الدين
علي دين الالاه بعلمة وســــــرارة



علي روح البطولة وضحجة المحزون
علي واسمة اليلوك بطبعة وخبارة



علي وبدر الي تشهد منهو حز ركاب
علي وبالخندق الضرباتة بتــــــــارة


علي ولو صال تهتز ساحة الميدان
صوت الحق اجاهم شــــغل الغارة



علي ومعروف مايحتاج اسولف بي
حتة ادم توســــــــــــل ينزل بدارة


ونوح اليدعي ربة سنين فوك سنين
يريد بكبرة ينزل ينحســــــــب جارة



علي هادم صنمهم جنة ابراهـــيم
يوم الفجر الطغيان وشــــــــــــرارة



علي رب العلم يشهد نبينة عليي
اخذ نهج البلاغة واشرح اســــرارة



علي نار الي حركت كل الي يكرهون
علي جنة اليلمـــــــــــلم بيهة زوارة



علي بير الشهامة ومنة نغرف ماي
علي وهالكون ضاوي باسمة ونوارة



علي واكصد علي ديوانة الك مفتوح
ينطيك المراد ويرضي خطارة






تحياتي وقلمي
اسالكم الدعاء

ام فيصل
31-07-2010, 06:50 AM
علي واكصد علي ديوانة الك مفتوح
ينطيك المراد ويرضي خطارة


والنعم من ابو الحسنين داحي الباب
طيب الله انفاسك وصح لسانك عزيزي
على هذه القصيدة الولائية بحب ومآثر اسد الله الغالب حيدر الكرار عليه السلام
كل الشكر لك ولجميل اختيارك
وجعلنا الله وإياكم ممن ينالون شفاعته يوم الورود
اطيب تحياتي لك

النجم العراقي
31-07-2010, 09:11 AM
مية هلة ام فيصل
نورتي القصيدة
ويارب يجعلنا من الثابتين على ولاية امير المؤمنين
تحياتي لروعة مرورك