المساعد الشخصي الرقمي

مشاهدة النسخة كاملة : الى سيدي ومولاي علي ابن ابي طالب عليه السلام



طالب الشطري 1
29-08-2010, 05:34 AM
عيون العشك متنام ياحيدر الضرغام
بيـــك الكلــب هايم ياروح ابو القاسم
___________________________
عيون الماتحب شخصك ياأبو الحسنين
عســـاهن بالعمـــــــه وماشافن العينين
هاي دمــــوع عشكـــك حفرت الخدين
مانكـــــدر نعـــــــــوفك عالنهج ماشين
ندري بطريقك موت نسحك عليه ونفوت
نتحـــده كل ظــــــالم ياروح ابو القاسم
_______________
كلبنــــه من الحنيـــــــن يشابك الأهات
ويخضـــــر عشـــــك بينه الألم لومات
وماتـــوفي يحيـــــدر حقــــك الجلمات
أنـــت العلمتنــــــه بحبــــــــك الغايات
نعرف رضا الرحمن يالمصدرك أيمان
بحكمــــك تضل قائم ياروح أبو القاسم
______________
ياليـــــــــل اليسهــــرك مايحـس تعبان
يا منجي الســـفينه وكلمــــــــت ثعبـان
ياحـــــوت بحضــــــرتك يبتلع أنسـان
وياهو من اليتامه الصنته ضل جوعان
تطعم بديك النــــاس ياأبو البطل عباس
بفضلك تضل عازم ياروح ابو القاسم
___________

اليعــــرف محتـــــــواتك يجزم بأشياء
من جنـــــــة عــــدن تكـــوينك بأشلاء
وكلبـــــك من معـــــاجز يحمل الأنباء
وصـــــح كلك علي ولا شائبك أخطاء
تحمل معاني أهواي صافي بصفات الماي
ماتشبـــــــــه العالم ياروح ابو القاسم
______________
ولهـــــــذا السبب نعشك صفاتك دوم
ومايمشــي الجدم بدروب غيرك يوم
جنـــــــــدت الحياة لنصرت المظلوم
عـــــــدوك ساومانه وما قبلنه السوم
نرفض حجي المنبوذ بجف الحقد ماخوذ
الضدك غـــــــدا نادم ياروح ابو القاسم
_______________


خادم أهل البيت ع
طالب الشطري

ام فيصل
29-08-2010, 10:21 AM
عظم الله لكم الأجر عزيزي
بذكرى مصاب اسد الله الغالب ووصي رسول رب العالمين ابا الحسنين علي عليه السلام
وحشرنا الله وإياكم معه وانالكم شفاعته

قصيدة رائعة
وكلمات موالية بإحساس جميل
دام لنا هذا التواصل والابداع
ولك اطيب تحياتي

طالب الشطري 1
29-08-2010, 07:30 PM
شكرا لكِ
ولمشاعركِ الجميله
ولثنائكِ الاكثر جمالا
وجزاك الله خير جزاء المحسنيين
دمتي لكل خير
اخوكِ

احلاهن بطة
29-08-2010, 07:33 PM
اللهم صل على محمد وآل محمد
وانصرنا بقائمهم
وثبتنا على ولائهم
وارزقنا شفاعتهم

عظم الله لكم الأجر في وفاة
سيدي ومولاي امير المؤمنين
.. وأحسن لكم العزاء ..
قصيده جميله جدآ
وكلمات قمه الروعه
شكرآ لك اخي الغالي

المهاجره
29-08-2010, 11:58 PM
السلام عليك ياسيدي ومولاي ياامير المؤمنين شكرا لك طاب قلمك الراقي