المساعد الشخصي الرقمي

مشاهدة النسخة كاملة : الى فاطمة الزهراء ع



طالب الشطري 1
08-09-2010, 09:16 AM
أنتي الدليل الحاوي كل أسراري
بيــــج تتحيــــر تضــــل أفكاري
عيوني عيوني عيوني بهيامج من تصد عيوني
_____________________
زجيه بلا مجـــــادل نهج بالكون عادل
وصـــف أنتي بكياني
عشك بين النواظـــر يقين بعقلي حاظر
بلطف شوكج ملاني
غيـــــر حبـــج مـــادخل دلالي
ذكريــــــاتج بالفكــــــر تبرالي
عيوني عيوني عيوني بهيامج من تصد عيوني
_______________________
فلا لحضـه جفيتــج أعله بالي ومانسيتج
سكنتي بهذا كلبي
بدليلي أنتي الحبيبه ولاأضنـــــن غريبه
صريح بهذا حبي
بريشة الحب أنملــــــت أوراقي
ورسمت أشكال العشك أشواقي
عيوني عيوني عيوني بهيامج من تصد عيوني
_______________________
رسم بيج الحقيقه درب ربي وطريقه
سلكته أنه بغرامي
أحب واقع صفاتج فلا توصف غلاتج
علي يشهد هيامي
جنه من نار القيامه أحسابج
وأنه بشفافي أرد أبوس ترابج
عيوني عيوني عيوني بهيامج من تصد عيوني
________________________
أنتي الزهره للكون كلبي لوحدج يكـــــون
يــــــــاأفضـل و ديعـــــه
خواطر جالت وياج من دون النسه أهواج
ســـــرج مـــــــاأذيعــــه
أنتي بضعه وغاليـه أعله عيوني
هــــذا قــــولي وحتى لو ذبحوني
عيوني عيوني عيوني بهيامج من تصد عيوني
_______________________
علن ماأخفي حبي نــــــوره يضوي دربي
مــــــــاأكدر أعوفج
أموت بلايه أنتي على أصوابج صبرتي
نجمه بليلي أشوفج
أنتي حلمي وعايشه بنص نومي
بيـــــــــج تشافه الجروح بيومي
عيوني عيوني عيوني بهيامج من تصد عيوني
_________________________



خادم أهل البيت ع
طالب الشطري

ام فيصل
17-09-2010, 07:32 AM
اللهم صل على محمد وآل محود وعجل فرجهم الشريف
والصلاة والسلام على الشفيعة المشفعة ام الحسنين عليها السلام

عطر الله انفاسك عزيزي
على هذه الكلمات
ولاحرمنا تواصلك وعطاءك

دمت بخير