المساعد الشخصي الرقمي

مشاهدة النسخة كاملة : زهيري الحب الاول



عراقي هواي وميزة فينا الهوى
04-03-2007, 04:50 PM
لأنك بالتزامك (مؤمــن اهــلــك)
أخاف تشيل ذنبي (مو من أهلك)
منو بكدي يحبك( مو من اهلك)

منو بكـــدي يحبك (من عشــرتك)
وتمنى يصير إصــبع(من عشرتك)
وأنه شكضيت خايب(من عشرتك)

أعد بسنين عشـرتنـه(وهي جروح)
وأحس ويه النفس يطلع(وهج روح)
وأخيراً كتلي ودعــنــي(وهج روح)

أروحاً وين ما أكَدر(هوه انتـه)
وانه ألما هان من أجلك(هونته)
إلي بدنياي شي واحد(هو انته)

وحرت بين ان تركته(ون تبعته)
أنه الونيت والــوّن (ون تبعــته)
ما باعك حبــيــبك (وأنت بعـته)

حــبــيــبــك باع عمره (واشترك بي)
وحزن كَلبه أعله حزنك(واشترك بي)
وبــعــد شــتــدوس كَََلبي(وشترك بي)

جبل حبه وتكَلكَل (لن تكَل بي)
ويدنيه شما دفعتــي (لن تكلبي)
وإذا تنسى يــكــلبي(لنته كلبي)

ولأريــدك بــعــد وب(صدري أحملك)
حبيبي شلون ترضه ب(صد رحم لك)
إذا حــمــلــك يــتــعبك(صدره حملك)

إلي وروحي ألأرض وشكَد(دولهه)
وتــداوي الــداء لــو بالمــخ(دولهه)
بس العين ما يــحــصــل(دوه إلهه)

دواهه العين خــلهــه(من تقر بي)
وتصب كل ما تشوفك(منته قربي)
ولك شيــصير حبــك(من تقر بي)


وتحبني أنت يقين (بصدري مو شك)
ألف شوكة السكوت(بصدري مو شك)
إنذبح كلبي وتشظه (بصد رموشك)

وعرف محد يدفنه(وشي دفـن شي)
وعكَب صدره المواقد(شيدفـّن شي)
كفّر من رسم غيرك(شي دفنــشي)

وأضن للجنة يدخل(مــن يــرســمـك)
وحبيبك يمسح اسمه(من يرى اسمك)
إبسمك حبي جمالك(من يرى أسمك)

وأنه الليل بعيونك(شفته كحله)
وشفت شمس ألأصيل(وشفتك أحله)
العسل من ضكته كَلك(شفتك أحله)

إذن لو من شفاهك (بسـتك اشفه)
إذا أنت المات يعدل(بس تكــشـفه)
إشتضن حبك يضعفك(بس تكشفه)

وعلي تخفي اهتمامك(واكتــراثك)
وانه المن مات كَلبي(وكتي راثك)
نسيت الحب ألأول (وك تــراثـك)


صــدكَ ينــســه تراثه (هسه جيلك)
وتشوف سواجي عيني(هسّجي لك)
وأنــادي ومــا تــكـلي(هسه أجيلك)


صحتلك يا...(وصارت كبري يائي)
وإذا راءيــت بــالــشـــط(كــب ريـــائي)
حــبــيــبــي شــلــون تــجـرح(كبريائي)


وتذلني كَبال كل ناسك (وناسي)
وبقيت إبصحره شاتلني(وناسي)
ناس تكول لا تسكت(وناس أي)

لأن كلش مذلتــــــــي(لاكتلهم)
وجبل حبي المقدس(لاكه تلهم)
كالوا حــــــــيل ذلك(لا كتلهم)

عناية احتاج كلبه و(جاي أعاني)
وخفيت شكثر منك(جاي أعــاني)
تمر مرني من أزورك(جايع آني)

شكثر ندمان جي بـــيــتك (عتبته)
وعرفني الباب من دكتي و(عتبته)
عتابي وياك جي أحـــبـــك(عتبته)

كلبي شلون يمهم(وك كســرته)
أسير وذّل شجالك(وك إسـرته)
كبل جانت أسرتك(وك إسرتنه)

أسرتك هسه ســـمتـــني الضحية

@_رفيع التهذيب_@
05-03-2007, 07:55 AM
فعلا زهيري روعة كلمات جميلة يا اخ ماجد
تقبل مروري
رفيع التهذيب

انين الذكريات
05-03-2007, 06:48 PM
الله الله روعة ماجد تحياتي الك تقبل مروري

عراقي هواي وميزة فينا الهوى
05-03-2007, 07:45 PM
انين الذكرياتالله الله روعة ماجد تحياتي الك تقبل مرورياليوم 08:55 صباحاً@_رفيع التهذيب_@فعلا زهيري روعة كلمات جميلة يا اخ ماجد
تقبل مروري
رفيع التهذيب:66 (46): :66 (6): :66 (46): :66 (6): :66 (46): :66 (6): :66 (46): :66 (6): :66 (46): :66 (46): :66 (6): :66 (46): :66 (6): :66 (46):
شكرا لمروركما الدائم وكلماتكما العطرة

omar fawaz
21-10-2010, 05:17 PM
مشكور على الكلمات الجميله

ميزان الذهب
24-10-2010, 05:51 AM
صحتلك يا...(وصارت كبري يائي)
وإذا راءيــت بــالــشـــط(كــب ريـــائي)
حــبــيــبــي شــلــون تــجـرح(كبريائي)



وتذلني كَبال كل ناسك (وناسي)
وبقيت إبصحره شاتلني(وناسي)
ناس تكول لا تسكت(وناس أي)


لأن كلش مذلتــــــــي(لاكتلهم)
وجبل حبي المقدس(لاكه تلهم)
كالوا حــــــــيل ذلك(لا كتلهم)


عناية احتاج كلبه و(جاي أعاني)
وخفيت شكثر منك(جاي أعــاني)
تمر مرني من أزورك(جايع آني)

قرأت ووجدت شعرا وتعبيرا وسباكة للحروف وانتقاء للعبارات يدل على حسن النفس وتفاعل ساخن مع مشاعر سريعةالا اني لم اتحسس بربط عنوان المشاركة مع متنها ..تحياتي ...نتطلع لمثل هذه المشاركات ودمتم.

طيبة النجف
24-10-2010, 06:53 AM
صح السان الشاعر نائل المظفر المبدع دوما
ونجم من نجوم الشعر الشعبي

وتسلم اناملك اخي الغالي
:66 (46): ابو الغيث :66 (46):
على نقلك الرائع والمتميز
وهذا يسمى زنجيل ابوذية
تقبل مروري المتواضع
ولروحك باقات من الياسمين
تعطر دروبك اينما كنت
تحياتي
طيووووووبة