المساعد الشخصي الرقمي

مشاهدة النسخة كاملة : احياء الذكرى



عادل المنصوري
19-11-2010, 02:14 AM
يانسمه عذبه معطره بعطر الحياة
ويا أذان البي يحل وكت الصلاة
كَلبي شد ليك الرحال وهام بيك
والهج بحبك علي لحد الممات
انته ريح بصفنة البحر الغميج
من يهب ترس شراع الراسيات
مكسره مجاديفي بيدي اغرف وجيت
اصرخ وحسي يجيب التايهات
ياحضن دافي حضني ولوله الي
وغمضت بيه العيون الناعسات
ومن افز مختاض دك ابهيد الي
اضحك مسلهم على اجفوفه وابات
المال والاولاد ما الهن امان
وانته هدابك يخط بالباقيات
آه ياليل الشته الكلش طويل
الماغفه يجاذب بوناته العليل
جيت اتخطه بظلامه بلايه شوف
امشي واتعثر علي حملي ثجيل
اطشرت الكاره اويه طشار الدموع
وحرت ياهو اللي يشايلني واشيل
ولني اسمع صوت نب بين الضلوع
انتخي بحامي الحمه وحامي الدخيل
وشيل شوفك ما تشت عن الطريق
وشوف آل المصطفى نجوم ودليل
انته ياسوباط عزي وبرد صيف
وانته ياوجاغ الشته ودلة مظيف
والله مشتاك لودادك يالحبيب
واليحب يعشك ولو طلت الطيف
يالتشب نارين الك حدر الضلوع
نار شوك ونار من طبرة السيف
خلي امتدلك علي ذكرك يفوت
ويثكل الميزان لن كلش خفيف
اتجر دمعتي وتجوي كلبي النايبات
وعودي يهتز وي رياح الذكريات
جتني سرجت خيلها اتحث المسير
بمنجل وضرعان الها منسفات
حشت ابتوت الدليل الراكَدات
اليابسه ومن الفراك امعلعلات
ومدت السباح وي دفكَت ادماي
سبحن ابفيضه وعليه مسبحات
كلت عبرن خل يصير شما يصير
هن جم عرك الينبضن ضالات
هزني الوجدان كال اكعد سحور
شنهي قصتك وين بيك امسيسات
فوكي عبرن وي اذان البالفطور
لحد وكت مدة السفره معبرات

ام فيصل
20-11-2010, 09:08 AM
اللهم صل على محمد وآل محمد وعجل فرجهم وفرجنا بهم ياكريم
والصلاة والسلام على أمام المتقين وقائد الغر المحجلين ابو السبطين عليهم السلام

عطر الله انفاسك عزيزي
وانالك شفاعة داحي الباب علي عليه السلام
قصيدة جدا رائعة ومفردات أروع

كل الشكر لك ولهذه الكلمات العطرة والمباركة
ودام لنا مدادك الموالي

مع اطيب تحياتي للمنصوري

عادل المنصوري
20-11-2010, 06:23 PM
كل الشكر والتقدير الى ام فيصل الغاليه
جزاك الله خير الجزاء على هذا الاطراء الرائع
فانا وانت مهما كتبنا لانعطي ولو جزءاً
بسيطاً يفي حق الامام علي عليه السلام
نسأل الله سبحانه وتعالى ان يوفقكِ
ويوفقني معك لخدمة اهل البيت عليهم السلام

asir
29-12-2010, 10:00 PM
حبیبی قصیده قایه فی الروعه انشاء الله اتکون فی میزان حسناتک
علی طیب ومن طیبین طیبه
وعلی مارگ علی کل ناس طیبه
یصاحب لا تظن بس طای طیبه
حاتم من علی یطلب هدیه

عادل المنصوري
31-12-2010, 11:36 PM
حبیبی قصیده قایه فی الروعه انشاء الله اتکون فی میزان حسناتک
علی طیب ومن طیبین طیبه
وعلی مارگ علی کل ناس طیبه
یصاحب لا تظن بس طای طیبه
حاتم من علی یطلب هدیه



وحكَـ المرتضى حيدر وطه
بغضهم يلوي كل هامه وطه
فاز اللي تعنه لخم وطه
تربته وبايعك حامي الحميه

احمد العتبي
01-01-2011, 03:40 PM
تحياتي للجميع الذي عاملين في هذا المنتدى

عاطف المنصوري
02-01-2011, 07:53 PM
موفق اخي العزيز عادل على هذه القصيدة الرائعة
وليس غريب على عادل المنصوري
حشرنا واياكم مع محمد وال محمد
بحق قائم ال محمد