المساعد الشخصي الرقمي

مشاهدة النسخة كاملة : آنه رقيه قصيده حزينه



ايناس الجمال
11-12-2010, 09:47 AM
آنه رقيه من تذكروني -- يشيعه ابدمع واسوني
آنه اللي شفت بالعين -- من ذبحوا ابويه حسين
---
آنه المّر عليّه المايحمله الحال
اشراواني الزمان أمن الرزايا أشكال
وهظمي اعله الجبل چان الجبل ينزال
چم راس الشفت فوگ الرمح ينشال
راس حسين الگبالي -- وضعي اتغير وحالي
بچيت اعله اخوتي الطيبين -- من ذبحوا لبويه حسين
------------
ميته بالطفوف أويه أخوتي ياريت
ولا ابقه ابمناحه وبالحزن ظليت
يشيعه من عساني الدنيتي لاجيت
شيلمني بعدهم من مشوا يابيت
راحوا اخوتي مني -- مامال الحزن عني
أدور وين أخوتي وين -- من ذبحوا أبويه حسين
---
عفت عبد الله مذبوح وعلى وضعه
وعريس الهواشم حنته او شمعه
وعا الاكبر أخويه دمعتي دمعه
وصوت أمي أعله ابويه شلون من تنعه
عفاني شحملت آلام -- طفله أمن الزغر وانظام
وگلبي والفه الونين -- من ذبحوا ابويه حجسين
------
ونيني وحسرتي وصفيت مچتوفه
عمت عيني عساها العمي متشوفه
ابكتره رايته ومگطعه اچفوفه
رحت يمه واصيحن عمي ملهوفه
اگعدت يمه وأشم زنده -- وأگله الچفك اترده
يعمي اصفينه مرعوبين -- من ذبحوا ابويه حسين
---
يشيعه ومن لفتنه للخيم اشرار
آنه ابخيمتي والخيمه تلهب نار
صحت عمه يزينب والفكر محتار
وعمتي امن الفجيعه اتحشم الكرار
يبو حسين اسمعت صاحت -- عمتي وعالترب طاحت
گوم الكربله بهل الحين -- من ذبحوا لبويه حسين
---
للكوفه خذوني اميسره وللشام
وراس حسين جفنه اعله الرمح مانام
ينظرني يتيمه ابولية الظلام
اتهنه أويه أبويه هالامل مادام
چنت اتمنه يرعاني -- يتيمه اخلافه خلاني
بعد الراح اجيبه أمنين -- من ذبحوا أبويه حسين
---
والمجلس الظالم آنه من طبيت
من كثر الهظم والنايبات اغفيت
واصرخ والدي ومن نومتي فزيت
وجابوا راس ابويه ابطشت وآنه ابچيت
على راسه اغمضت عيني -- بعد ماسمعوا أونيني
ساعتها خذاني البين -- من ذبحوا ابويه حسين

منقول

ام فيصل
11-12-2010, 03:01 PM
عطر الله انفاسك عزيزتي
وسلم لنا مدادك على جميل هذا الاختيار
وانالنا الله واياكم شفاعة يتيمة الحسين بحق محمد وآل محمد

تحياتي لك
وعظم الله لكم الأجر

عادل المنصوري
11-12-2010, 04:14 PM
عظم الله اجرج اختي العزيزه قصيده خفيفه ورائعه
هذه القصيده تقرأ بمقام النهاوند للاخوه اللي يحبون قراءتها طبعاً بعد اذن الاخت ايناس لانها الناشره للقصيده

الشيخ ابوحيدر
12-12-2010, 07:56 AM
عضم الله اجرك اخي الغاليه
ايناس لك ولذوقك كل الاجلال
تحياتي