المساعد الشخصي الرقمي

مشاهدة النسخة كاملة : من داسوا صدرك عباس جن داسوا صدرك ياحسين



الشيخ ابوحيدر
12-12-2010, 08:02 AM
من داسوا صدرك عباس
جن داسوا صدرك ياحسين


يربات الكرار وشبله وحسين اصبح عندك قبله
شبل وتصرخ بالميدان ياكعبه وركــــن الايمان
وماهمك لو تطفـه العين


من داسوا صدرك عباس
جن داسوا صدرك ياحسين
يامشتت جمع الكفار شبـــو بخيام اختك نار
ياهيبه وفخر ونوماس يابو الــرايه ياعباس
سكنه تنادي جودك وين


من داسوا صدرك عباس
جن داسوا صدرك ياحسين


عباس ولو عنده اجفوفه ماتوليه جيوش الكوفه
من طـاحت عباس الرايه نزلت مـن الخالــق ايه
جفوف اطيح وياهن عين


من داسوا صدرك عباس
جن داسوا صدرك ياحسين


مامهتم الكَطع زنوده بكد ماهتـــم يوصل جوده
ولسهم الي ابعينك صابك والعمـــودالهشم راسك
هشم كـــــل اركان الدين


من داسوا صدرك عباس
جن داسوا صدرك ياحسين


من يسمع صوت اخته تنادي يافخري وعزي ويسنادي
انهــض هـذاحسينك ضامي يابعد اهلي وكـــــل اعمامي
كوم انهض يا اصبي العين


من داســـوا صدرك عباس
جن داسوا صدرك ياحسين


كام تسندفــــوك جروحه ومن طاح ومن غابت روحه
يركضله حسين بكل همه شاف ازنـــــوده وسايل دمه
صاح دركني خويه حسين


من داســوا صدرك عباس
جن داسوا صدرك ياحسين




واعـــدت اختي ابجلب الماي وماهمتني كل عداي
وماهمني من سال ادمـــاي بكدماهمني طاح لواي
يبن الضــــــارب بالسيفين


من داســوا صدرك عباس
جن داسوا صدرك ياحسين








بقلمي الشيخ ابوحيدر
الشويلي
12|12|2010






</P></B></SPAN>

ام فيصل
12-12-2010, 10:01 AM
الله لايحرمنا هذا النـَفــَس الحسيني الموالي
قصيدة جدا رائعة
كلماتها ادمت الفؤاد
وصورة شعرية غاية في الابداع
أجرك على قمر العشيرة

سلمت يداك يبو حيدر
ودام لنا هذا الرفد والعطاء

تثبت القصيدة لروعتها

مع تحياتي وتقديري

عادل المنصوري
12-12-2010, 10:56 AM
مأجور انشاء الله ابو حيدر على هذه القصيده الرائعه
الله يوفقك لخدمة الامام الحسين عليه السلام بحق محمد وآل محمد
ويجعلك من الموالين له