المساعد الشخصي الرقمي

مشاهدة النسخة كاملة : زينب والصحراء



عادل المنصوري
15-12-2010, 08:52 PM
احبتي القراء هذه القصيده رديت بيها على احد المواضيع بصفحة اخرى ولكن بمقطع واحد فقط وها هي الان كامله سوف اكتبها بالاسلاميات اتمنى ان تنال رضاكم واستحسان سيدتي ومولاتي العقيله زينب عليها السلام

آه ياليل التجافي شكَد طويل
وآه على الراح وعلى ايتامه وعليل
والله ما بياش حتى الاه اونها
ورحه نص الروح ما بطل طحنها
تطحن اهمومي واصريها واشيل(الراء مشدده)

بارض شلوه ولاح الي خيالك واجيت
ازحف واتوجه واكَعد ما مشيت
جلت اجدامي وصحت باسمك نخيت
ولني من فوك الرمح شفتك حجيت
اهلُ كهفٍ ورقيم ... آيةُ الرب العظيم
لجن الاعجب رمح راسي يشيل
آه ياليل التجافي شكَد طويل

التفت مره شمال ومره يمنه مضيعه
وين ياليل النجوم البيك جانت ساطعه
وين ولد ام البنين الرافكَوني الاربعه
عون عبد الله ويه جعفر والكَمر عالمشرعه
ناشَدَت امُ البنين ... قاتلوا دون الحسين
والحمل لو طاح كون اهله التشيل
آه ياليل التجافي شكَد طويل

الدانكَـ ايمشي شراعه ودفته
ولو غرف مجذافه طشر روجته
واليهد بزود .. زوده بعزوته
لجن شحال الفكَد منه اخوته
كالذي قد سارَ في بيدائهِ .. وسِقاهُ قد خلا من مائهِ
شجره وثمار الحزن بيها التحيل
آه ياليل التجافي شكَد طويل

آه يادرب المشيته ودرت ظهري لكربله
اسحكَـ اعله جروح كَلبي واخطي ويه العايله
ابن خوي اليحدي بينه وآنه باتله القافله
صحت ياسجاد ابوك الراس لو ضل عالفله
ضامياً من غيرِ ماء .. عارياً في كربلاء
وين ابوك حسين ورجني بدليل
آه ياليل التجافي اشكَد طويل

حيل يسند حيل والخطوه اعله خطوه
والتجل رجليه احباله اتجره كَوه
حافيه اطفال اتجوه وعالظهر سوط ايتلوه
عاين الكظ الخلافه يا محمد شنهي سوه
قال دقوا بالطبول .. لسبي آلَ الرسول
لجن الهون مصاب الصار بعيون الجليل
آه ياليل التجافي اشكَد طويل

من يستطع قراءتها وهيه مناسبه للمقام البغدادي فجزاه الله الف خير هي وجميع قصائدي واكون له ممنون واثابكم الله

ام فيصل
16-12-2010, 06:54 AM
جزاك الله عنا خير الجزاء
على هذا الجزل والعطاء عزيزي
بوركت يمينك وانالك الله شفاعة عقيلة الطالبيين زينب الكبرى عليها السلام

كل الشكر لك ودام لنا هذا الفيض المبارك

مع تحياتي وتقديري

عادل المنصوري
16-12-2010, 09:27 PM
شكر وتقدير للاخت الغاليه ام فيصل
واثابك الله وقضا حوائجك بحق مصيبة الامام الحسين عليه السلام
ومرة اخرى لك جزيل الشكر على هذا التواصل المستمر

عاطف المنصوري
02-01-2011, 08:10 PM
مأجور ووفقك الله
في ميزان حسناتك
حشرنا الله واياكم مع محمد وال محمد