المساعد الشخصي الرقمي

مشاهدة النسخة كاملة : فضائل امير المؤمنيين



عادل المنصوري
16-12-2010, 09:53 PM
قصيدة للمرحوم الشاعر سامي شياع المنصوري والشاعر عبد علي المنصوري
خل نحلف قسم بالبيت والمشعر
ونزيل الظلم والجور نتكاتف ونتآزر
احنه اهل الكرم والجود
واحنه بالارواح نجود
واحنه النه اللوا معكود
احنه الننتمي لجعفر
من عدنه الشجاعه تلوح
تاريخ وعطوره تفوح
شيعة حيدر الممدوح
من فارس بطل خيبر
علي وغيرك علي شيفيد
ياضرغام يوم الويد
يسردال الحرب يا حيد
يقالع سدة اسكندر
علي يا غيث المغيثين
يا فارس بدر وحنين
يا قايد حرب صفين
بيك اعداك تتشكر
يلو فاض العرك للذان
وتبره الابو امن الولدان
وطبت امة القرآن
انته لتحضر المحشر


علي يا حيدر الكرار
يا حامي الحمه والجار
ما يوصل عشر معشار
لا جسرة ولا قيصر
يا ابو حسين الك سطوات
وانته مفسر الآيات
علم وبكرم وبصولات
لا حاتم ولا عنتر
انته مفسر القرأن
والانجيل والتوراة والبرهان
انته البالعلم عنوان
يمجاوب على المنبر
وبنهج البلاغة احكام
قانون الشريعة التام
ودروس وعبر وانعام
بيها الفكر يتحير
نعم منك يا ابو الحسنين
بيك اندك وتد للدين
وانته للرسول امعين
يالبيك المجد يذكر
اسمك حيدر الكرار
يا نعم الفتى المغوار
واسيت النبي المختار
بالفقار المشكر


طلعت النبي امن الحوت
يمشرب عدوك موت
انته اعل منايا تفوت
يا دهدار يا ادور
علي اسمك عله من سابج الازمان
يمسير سفينة نوح بالطوفان
يا بيرغ وغى يا راية الميدان
يالفاتح حصن خيبر
انته الطوعت للجان
وانته منكس الفرسان
اسمك يرهب العدوان
عالي اويه النجم واكثر
امر الواحد الجبار
علمني النبي المختار
تارخ ويظل تذكار
بالمسجد تسيل ادماك يا حيدر
يا هو النام فوك فراش ملك الانس ملك الجان
يومن جوه تالي الليل منه فرت الشجعان
كالوا هذا ابو الحملات هذا مالك الميدان
كالوا هذا ابو الحسنين هذا للوثن كسر
ياهو الغاص جوه البير ياهو الطوعه وسلم
علي باب المدينه وللعلم علم
المايركب سفينة نوح باسمك يا علي يندم
الماقر بيك يا حيدر يخسر والنبي يخسر


ياهو القدم الخاتم ونزلت باسمه الآيه
غير ولاية الكرار ابد ما تحصل ولايه
انته النه يابو الحسنين يوم الوغى تجايه
انته الكاعد اعلل الحوض باسمك شيعتك تفخر

سمير الكرماني
16-12-2010, 09:58 PM
تسلم على القصيده ننتظر منك المزيد
تحياتي

ام فيصل
17-12-2010, 06:50 AM
علي باب المدينه وللعلم علم
المايركب سفينة نوح باسمك يا علي يندم
الماقر بيك يا حيدر يخسر والنبي يخسر


والنعم من ابو الحسن اسد الأسود
والليث الغضنفر

سلمت يمينك ومدادك الموالي عزيزي
انالك الله شفاعة الحبيب واهل بيته الاطهار

شكرا لك وأكثر ياعادل
على هذه القصيدة الرائعة
ولاحرمنا هذا العطاء والفيض المبارك

عاطف المنصوري
02-01-2011, 08:08 PM
علي باب المدينه وللعلم علم
المايركب سفينة نوح باسمك يا علي يندم
الماقر بيك يا حيدر يخسر والنبي يخسر

ياهو القدم الخاتم ونزلت باسمه الآيه
غير ولاية الكرار ابد ما تحصل ولايه
انته النه يابو الحسنين يوم الوغى تجايه
انته الكاعد اعلل الحوض باسمك شيعتك تفخر



جميل جدا ننتظر المزيد

عاطف المنصوري
02-01-2011, 08:15 PM
ماعساي ان اقول
ابداع قليل في حقك
الافضل هو الصمت

فالصمت درٌ زانه الياقوت