المساعد الشخصي الرقمي

مشاهدة النسخة كاملة : وداعــــــــــــا يا حبيبي الكبير عبد الحسين الحلفي.



شوك الشفايف
04-02-2011, 10:08 PM
عبد .. تبچـي القصيده

وينحب التاريخ..

وشگت زيجها

من الفاجعه البصره

وجن صياحها..

يندهــــك

وسمعه يصيح..

متحضره المنصه

متانيه شتقره

وينك ياعبد ما جيت..

هذا المهرجان اتريدك تحضره

عبد چاما گلت

تعبان..امس صوتك

سمعته..وماگلت رايح

عبد شمسوي گلبي وياك..

وبهم الجرح طايح

عبد سويتها..بروحي

نحيب ومدمع وصايح

اخابرمن بعد .. ونت الچـنتلي..

الروح..

يليل البارحه الموحش..

ملاني جروح يابو جروح

عبد .. وسوالفك عالبال..

تعصف بالگلب .. وتعيل ..

وتغيب وتجي وتروح

عبد .. أطيب گلب بالكون .. واكبر روح

عبد چـا ماخذتني وياك..

موتدري بغيابك مالي حيل النوح

شصبر الروح بغيابك ..

يگلبي اليوم شيصبره..

عبد تدري بونين الليل ..

يهدم للعمر عمره

عبد .. عبد ويساعد الله امك..

گلبها شمردته الحسره..

واوشوف اتصيح .. لا هيهات..

عبد ما مات..

عبد ما مات..

عبد يمه العصر ..

لوجن البنيات..ويصيحن عبد ها مات

اگللهن عبد مامات..

اگللهن سبح توه ..

واطلع عدة زيانه وقميصه وربطته وعطره

وتنومس وگول هناك چـــــــــان يعدل بشعره



لم استطع اكمال القصيده..

رحل عبد ورحلت معه قوتي وعزيمتي..

منذ اخر اتصال بيني وبينه يوم امس

ومنذ أخر رؤية له قبل ساعات..

رحمك الله يا كبير..

اخوك وحبيبك عدي فريد..

ام علاوي
04-02-2011, 11:35 PM
الى رحمة الله
بالفعل الخبر كان كالصاعقه
على محبي سياب البصره الرائع
عبدالحسين الحلفي
اسم لمع في سماء العراق
احببناه ببساطته وروعة قلمه
حرك مشاعر محبيه بروعة مفرداته
انسان تعجر الكلمات على وصفه
كلمة رائع قليلة بحقه
ومن منبري هذا اعزي شعراء العراق بهذه الفاجعه
واعزي محبي عبد الحسين الحلفي وعلى رأسهم انا
الهمنا الله وذويه الصبر والسلوان
وتغمد روحه الطاهره جنان الفردوس
كل الشكر لك اخي عدي لمشاعرك الرقيقه تجاه هذا العلم العالي
مودتي

الشيخ ابوحيدر
05-02-2011, 06:57 AM
الله يعطيك الصبر
والسلوان بهذا المصاب
الجلل اخي عدي اعزيك واعزي كل
محبي المرحوم عبد
واسالكم الدعاء له بالمغفره
وبرائة الذمه
واهداء الفاتحه الشريفه
لروحه الطاهره

سلام الدراجي
05-02-2011, 11:35 AM
رحم الله الشاعر الفد الكبير عبد الحسين الحلفي
الذي كنت متاثرا شخصيا بشعره وصوره الرائعه
ادخله الله فسيح جناته وغفر له واعان الله اهله ومحبيه الصبر والسلوان
تسلم اخي لهذه المشاعر عاشت ايدك
اخوك الشاعر
د\سلام الدراجي

شوك الشفايف
05-02-2011, 03:34 PM
شكرا الاخت الغاليه ام علاوي..

عبد تاريخ للعشاك وسوالف فرح حلوه
عبد ما ينسي ويروح..لنه بكل وكت غنوه.

ام فيصل
05-02-2011, 04:09 PM
عظم الله لكم الأجر عزيزي
ولكل شعراء العراق على هذا المصاب
برحيل شاعر البصرة الكبير عبد الحسين الحلفي
رحمه الله بواسع رحمته والهم ذويه واحبابه الصبر والسلوان

وانا لله وانا اليه راجعون

شوك الشفايف
05-02-2011, 04:22 PM
ساكت الجمهور يبجي المهرجان

والمنصه مزوگه متانيتك

شكرا لك ابو حيدر الغالي..

رفيقة القمر
05-02-2011, 05:34 PM
انا لله وانا اليه راجعون
رحم الله الشاعر عبد الحسين الحلفي
وغفر الله له واسكنه فسيح جناته


:66 (46)::66 (46)::66 (46):



هذه الأبيات للشاعر الراحل عبد الحسين الحلفي


بعهد صدام جام البيت مكســور
ومن البرد ليلـــــــــــك ما تنامه
هسه البيت زين وصار بيه جام
بس كلب العراقي انكــسر جامه
الكراسي كاعده فوك الـــكراسي
لان ماكو زعيم ولا زعامــــــــه
ذله بذلة نكضي الليل ما ننــــــام
والبصبح بالمدرسه ندرس كرامه
ووالدنه الوطن بابا نــــــــــسميه
شو بابا عدل وحنة يـــــــــــتامه
عجيب شكد ايمة يا وطن بيــــك
ووجهك للرحم ما بيه علامـــــه
عجيب وبيك ابو فاضل العباس
عند جف ولا عندك شهامــــــه
ممنوع التجول يا وطن بيـــــك
لان حتى الدرب ساحب اقسامه
وشمل منع التجول حتى العظام
والدم ماكدر يمشي بعظامــــــه
حمام الناس ونته يا وطن حوم
منك ما اظن تسلم حمامــــــــة
انت بروفيسور بقبض الارواح
وعزرائيل الك دنك الهامـــــــه
يوميه قيامه يا وطن بيـــــــــك
اذن كلش سهل يوم القيامـــــه



وأبياتك يااستاذ عدي تحمل بين طياتها
ألم الفراق
بعد إن عزّ اللقاء
اللهم يرحمه برحمته الواسعة

يحيى الحميداوي
05-02-2011, 07:17 PM
لقد بكيت للخبر المؤلم

أنا لله وأنا الية راجعون