المساعد الشخصي الرقمي

مشاهدة النسخة كاملة : حــــــــــــــيه اودرج



حسين الشميساوي
04-07-2011, 05:30 AM
*** حيه اودرج ***



خطار اوكفت ابابك ابليل
اشلون ابليل خطارك ترده
حجيك ذاك وينه اوينه ملكاك
وحنانك والوفه اوذيج الموده
ضيعت العرف نتعارف اردود
والمضيع العرف يوكف ينشده
هذا انه الجنتلك كوسر افياي
وكضيت العمر نايم ابسده
حسبت احساب كلشي اوطلع مظبوط
بس ماحسبت بابك تسده
تعال اوكف ابعيني اوحجي شتريد
مادام الجرح نيشانه بعده
نعاتب واليحب يتحمل اعتاب
وكلمن يطلع المظموم عنده
بحر دنيانه وحنه ابين جرفين
والماشاف جزره ايشوف مده
ميخالف بعد كدامنه اهواي
النوب الجاي مومثل التعده
بمرور الزمن هم تتلاكه الوجوه
وكلمن طينته اتبين ابخده
ابنادم موش عيب ايطيح ويكوم
الفشل والعيب اذا ماكام وحده
شدخ جرح اليالي اوباجر ايطيب
بس البظهر مالوح اشده
تماشيني اوتحطني ابهاي وبذيج
خنتني اوكلت كلمن هذا حده
ياهو المثلي وكته اتحارب اوياه
زمانه اوخلته اوصحبانه ضده
شتلتك صار حفنه اسنين باالروح
جا ليمت تخظر بيه ورده
عمري الشلته بجفوفك كرستال
شلون اكبال شماتي وتهده
لاجرحي الجرحته ايطيب ونساك
ولايلتم بعد ماي التبده
كلمن بينه يذكر صاحبه ابخير
والطيب حليبه ايوفي وعده
حيه اودرج* نلعب داس داسين
المهم اخر درج ياهو اليصعده

كبريــاء رجـل
05-07-2011, 05:15 AM
حيه اودرج* نلعب داس داسين
المهم اخر درج ياهو اليصعده

الله رررررائع اخي حسين
الله يعطيك العافية قصيده مميزه
مشكور ياغالي
تحياتي الكـ

عادل المنصوري
05-07-2011, 11:10 AM
الشاعر المتالق حسين الشميساوي قصيدة بقمة الروعه عندما قرأت عنوان القصيدة لم انوي الدخول لقراءتها ولكني اعتراني الفضول ولكن بعد الاطلاع وجدتها في قمة الروعه شكرا جزيلا لك اخي الرائع

حميدالشيباني
05-07-2011, 08:55 PM
أن شاءالله أنت تصعدآخردرج حسين...شكرالك تقبل مروري وتحياتي يامبدع

الشاعر محمد الحميداوي
06-07-2011, 06:41 PM
رائع يا مبدع تقبل مروري

الشايب العراقي
06-07-2011, 07:01 PM
اتمنالكم التوفيق والابداع دائما
موفقين بإذن الله ... لكم مني أجمل تحية