المساعد الشخصي الرقمي

مشاهدة النسخة كاملة : دعاة الدين .... الشك ام اليقين ؟؟؟؟؟؟؟؟؟؟؟؟؟؟؟؟



نظرات تؤرقني
14-12-2011, 08:46 PM
الدين ؟؟؟ ذلك الدين القيم ولكن اكثر الناس لا يعلمون .(سورة يوسف)..عرفنا القصة كاملة من الاجداد الى الاحفاد ومن الكتب الى العلماء ... عرفنا ماهو ديننا وما هي تفاصيله كلها ؟؟؟ ولما حدثت تغيرات في البلاد اضطر العلماء لاستحداث فتاوي وبيانات مستنبطة من الدين نفسه لا من عندهم ؟؟؟ واليوم نلاحظ كثرة الدعاة ؟؟؟ هنالك من قرأ كم كلمة وحفظ كم حديث وخرج الى الناس يقول انا داعية الى الحق ...واتبعوني ؟؟؟؟ وهنالك من تعلم عند مرجع وافتهم البحث الخارج من اول صف وكال اني مرجع اسألوني اجيبكم ؟؟؟ ناظروني .. طلب حقا بنية باطلة ؟؟؟ وهنالك من ما زال يزعجنا بأتباعه يصيحون ولا يسمع لهم ولا يستجيب لهم ولا يملون ولا يكلون وما زالوا مصرين انهم على حق ؟؟؟ سأروي هذه الحكاية الحقيقة التي مرت علي ذات يوم واعتقد انها كافية للقصد من هذا الموضوع ...كنت انا موقوفا في مديرية امن صدام في بغداد منطقة شارع ضيم الله مو خير الله ؟؟؟ وخلال بقائي في السجن طوال سنتين لدى هذه المديرية .. جاء ذات يوم شاب عشريني العمر وكانت ملابسه تشبه طلبة الكليات قميص ابيض وبنطلون رصاصي .. كنت انا اكثر الموقوفين مدة لذلك كنت شيخ التوقيف كما يسموني الاخوة الموقوفين ؟؟سألت الشاب ما قصتك لماذا جلبوك وما السبب .. لم يجبني بكلمة واحدة ؟؟ تركته قلت لعله مصدوم من هول العسكر ومكان التوقيف .. وبعد ايام سأله الاخوة الموقوفين ولم يجيبهم ؟؟ قلت لهم دعوه سنعرف اليوم او غدا ( الخبر اللي ما تحصلة اليوم بفلوس باجر تحصلة بلاش ).. منتسبين الامن امخلين واحد من الموقوفين بين غرف التوقيف يوصل طعام او يبلغ الموقوفين للتحقيق او يوصل علاج او لفائف تضميد ... المهم كلفته كتلة شوفلي منو جاي وية هذا ابو الكلية وليش جايبيه احنة انخاف عليه احتمال يخدعوه ضباط الامن ويكسر ناس ابرياء لان ميحجي اويانة ولا كلمة ...المهم راح الساعي ورجع بعد اشوية كالي ابو محمد ترى هذا اللي عدكم اسمه كذا ومسوي روحه مرجع ديني ومقشمر مجموعة شباب غشمة ومقنعهم ومكلفهم يسرقون اله اموال من باب خمس او حق امام ؟؟؟ طبعا اني مو اندهشت لا ... كلمة اندهشت ازغيرة ؟؟؟ اني انصعقت بقوة كهرباء 11000 فولت ؟؟ فرأسا رحت اله وكتله تعال بابا انت شنو امسوي روحك مرجع ومن نحاجيك تسكت احجي بابا سولفلي قبل لا يدزون عليك للتحقيق ويخدعوك ضباط التحقيق بسوالف جدتك ما تعرفهة ... يمعود احجي وفهمني ... وايضا ما حجالي .. وسكتت او وصيت الاخوة الموقوفين ان لا واحد يحاجيه احتمال هذا كمين من ضباط الامن للناس المساكين الغشمة ؟؟ وبعد شهرين صاحبنا ما يحجي بقضيتة اطلاقا بس حجي انطيني ماء عدكم خبزة او اريد بطانية وهالكلمات ... وبعدين اجت الفرصة تم نقل عدد من الموقوفين كبير الى مديريات متعددة ما اعرف ليش ؟؟ وبقينة اني وصاحبي المرجع العشريني ؟؟؟ اويانة اثنين كبار بالعمر امخلصيهة نوم ؟؟فسألته يمعود سولفلي هسة محد اكو شنو قصتك ؟؟؟؟ وهاك اخيرا انطاني القصة ..كال اني كال اني درست حوزة وكنت ذكي جدا وعندي امكانية حفظ مو طبيعية ... وبينما اني ادرس وطبعا عادي طلاب الحوزة كانوا مرصودين من الامن ومراقبين ؟؟؟ وفد يوم اجوي الامن علية واخذوني بسيارتهم للمديرية امن النجف ... ودخلوني على مدير المديرية ولكيت يم المدير رجل معمم واثنين لابسين قوط امرتبة ومبين عليهم ناس اكبار .. فكعدوني وتكلم المعمم وكاللهم هذا افلان ؟؟؟ واني راح اسئله اسئلة وهو راح يجاوب عليهة وطبعا الاسئلة صعبة جدا ومعقدة لانها اسئلة طلاب البحث الخارج والاصول وعرفانيات .. فقال له المدير يلة اسئله؟؟؟ يكول صاحبنا فسئلوني مئات الاسئلة واني اجاوب واللي لابسين قوط يكولون للمعمم استمر اسئله ؟؟ يكول صاراربع ساعات يسئلني المعمم واني اجاوب فتعب كالهم خل نرتاح اشوية ونرجع بعدين ... يكول وبعد 3ساعات جابوني ورجعت يمهم وانعادت علي الاسئلة ؟؟؟ وسكت المعمم بأشارة من اهل القوط وطلع وبقيت اني واهل القوط ... كالولي انت ولد شاب واحنة المخابرات العراقية ونريد نتخلص من علماء النجف الاجانب ونريد نهتم بيك ونراعيك وتشتغل ويانة لاجل خدمة العراق وتصير انت مرجع ولانك ذكي وعندك قابلية حفظ مو طبيعية فلازم تشتغل ويانة او نمحي عائلتك من الوجود لا اب ولا ام ولا اخت لا اخ او ابن اخ او اي قريب عليك من عائلتك ونعذبهم كدامك أشر عذاب ... وانطوني فرصة افكر يومين ؟؟ كسر بجمع وافق اخونة .. وما اريد اطول بالتفاصيل يكول اخذوني من الحوزة وكلت للشيوخ اللي يعرفوني كلتلهم عندة مشكلة بالبيت وراح اتأخر عليكم 3اشهر او اكثر بسبب ظروف واني استمر وياكم بالهاتف اخذ احتياجات دروسي .. وراح اخونة دخل دورة مخابرات ورجع للحوزة بعد اكمال الدورة وطبعا ما اكدر انقل لكم التفاصيل لان نصهة نسيتهة بسبب ترتيبهة المعقد ... وراهة بست اشهر كال لجماعته من المعممين اني خلصت بحث خارج واريد اعلن اجتهادي وطبعا صار رفض من جماعته المعممين وصار لغط وجر وكر وعاف الدراسة وفتح مكتب سري خاص بيه وبدأ بطلاب المعاهد والكليات والجامعات ودخل بصفة طالب عن طريق المخابرات العراقية ؟؟؟ وللاسف صدق بعض الاشخاص هذا الرجل وصار الة ناس تقلده وتعتقد بيه انه مرجع وخدعهم انه نابغة العصر والزمان واخذهم لاشخاص معممين من المخابرات وكلهم يشهدون الة بالاجتهاد ويمدحونه ؟؟ وكالهم اني اريد اخلص العراق من مراجع العجم وما يبقى بس مراجع العراق ... وشرح الهم دور الوطنية والشعور بالوطنية حسب التدريب الذي تعلمه من المخابرات ؟؟؟ وصار عند صاحبنا تقريبا 300 تابع ومقلد كلهم يدينون له بالاجتهاد ؟؟؟ واكثرهم من المخابرات او عملاء الامن .. والسبب الي خلاهم ينقلبون عليه انه صاحبنا ما اتحمل هذه الهيبة وكام يفسق بالنساء من طالبات الكليات التي خدعوهن او الفاسقات التي يبحثن عن المحارم وكام ياخذ افلوس وانكشف من قبل الحوزة وما استقامت عنده الامور مثل ما خطط رجال المخابرات ؟؟؟ وبعدين صاحبنا نسق اموره واخذ اهله وشردهم خارج العراق ... واعترف لواحد من الشيوخ الذين في ظنه انه نظيف مو عميل وكاله تراني هيج قصتي متورط بورطة جبيرة اكثر مما تتصور ؟؟؟ وطبعا وصل الخبر لاهل القوط ؟؟؟ وتبروا منة وسلموه للامن على اساس انه مدعي الاجتهاد وكالوله بس تحجي كلمة وحدة نكتلك ومحد يدري بيك ... وبعد هاي السالفة بشهرين اخذوا صاحبنا وما اعرف بعد وين صار ؟؟؟؟ ولحد هسة كلما اسأل واحد عنه محد يعرف وين صار وبس اني اعرف قصته وقلة من كلتلهم بالقصة ... فما ادري كم واحد مثل هذا كان يدرس بحوزة المخابرات العراقية ؟؟؟؟ وكم واحد هسة موجود امسوي روحه داعية او مجتهد او خطيب ؟؟؟