المساعد الشخصي الرقمي

مشاهدة النسخة كاملة : قصيده بحق القاسم ابن الحسن عليه السلام/خالد الحجار(ديوان غايتنه واملنه



خالد الحجار
05-01-2012, 03:50 PM
بيدج الساعه حنيني --------- يمه للحومه زفيني

-------------------------
بالايمان ادري انتي متسلحه **عله عمرى الموت خط كتابته شوضحه
باجر من يهل بالامه وبصبحه**ماخيب ضنونج يمه بالفرحــــــــــــــــه
ولون ماارجع ادري قاسمج ضحه-- ييمه اليوم من صبرج تعينينــــــي
-------------------
ربه حضنج ماضاع وسهر ليلج**ولاتعب التعبتي ونحنه حيلــــــــــــج
اوافي خوف كلبج يمه وحليبج**بالج ماهده للساعه ادريبــــــــــــــــج
اشكثر انتي عظيمه ابطبعج وطيبج--واظن ماعود لاتبجين وعدــــــــي
-------------------
سكن كلب امه بوداعه وكصد حربه**لحظات الوداع اعليه اشكد صعبه
مقاييس الشجاعه ثابته بكلبـــــــــه**بالميدان فارس محد يكربــــــــــه
مثل جده علي ماثنه باالضربـــــــه-- دون حسين صاح الموت يحيينــــي
------------------
وكع شبل الحسن لاحنه لازفه**شباب وشمعته من سيوفهم تطفــــــه
تراب ودمه صارن حنتة الجفه**وصيوان المأتم للعرس طفّــــــــــــــه
عله أيام الدهر شعتب لون تجفه--بهلاهل الحزن ناده امه ودعينـــــــي
-----------------
صّبح يوم المنيه وينضر العمه**دوره بالشهاده ينتظر اســـــــــــــــمه
عماته وخواته عليه ملتمــــــــــه **الله ايعينهن لوفاركن رســــــــــمه
والله ايعين هاي الساعه كلب امه--حكه ايكول طول العمر تبجينــــــــي
*****************
خدام المنبر الحسيني مبرئين الذمه

محسن المفرجي
05-01-2012, 04:26 PM
الله عليك جعلك الله من خدمت الحسين ع
يستاهل ابن الحسن قلمك كتبله اشعار
عدوه امتحن بيه وعقله ضل محتار
مثل حيدر علي من صال عالكفار
وماهبط هامه اختار الموت ابعزه

جعلها الله في ميزان حسناتك لك شكري وتحياتي

خالد الحجار
09-01-2012, 08:40 AM
بسم الله الرحمن الرحيم
تحياتي وشكرا لمروركم الكريم وكلماتكم الطيبه
اخوكم //الخادم
ممنون