المساعد الشخصي الرقمي

مشاهدة النسخة كاملة : الى ملهمتي الغائبة



احمد الخطيب
17-01-2012, 10:19 PM
(الى ملهمتي الغائبة)

يا حسرت عشك راوتني الموت

مشتاك اغفه ساعه براحت جفوفك
رك بيه النفس و تنخه بالريح
ونته الريح بيده يمشط زلوفك
طيبت بغرامك كلشي ما شوف
اعمه وحيل بيه تكطع سيوفك
سواد الليل جان يبات وياك
وانه برمش عيني مضيف طيوفك
ما هزك حنين العشرة يفلان
لو تخجل عيون الوادم تشوفك
يالمريت كمرة بليل مسكين
ضلت بالضلام مطرزة احروفك
يالطبعك غدر عذبني مشتاك
عفتني وروحي ما كدرت تعوفك
من دمعي الجرة ما ضلت عيون
اتشوف اشوف الناس كله وانته ما اشوفك
نشف هوري و شمس طلعت على الطين
وكسر ظهري وعبر يتباهه مشحوفك
مربيه جذب وعتبرة معروف
وشوف شلون ردة يصير معروفك
صفني والتحبهم ونصف ويايوخلني
انجمع وي جمعت صفوفك
ما عذرك ولا صالح وياك
ولا كول خطيه و قاسيه ظروفك
يا شجرة عشك ما عرفت الماي
شالت روحهه وشتلته روحها بجروفك

ابو ابراهيم الخزرجي
25-03-2012, 09:25 PM
ما عذرك ولا صالح وياك
ولا كول خطيه و قاسيه ظروفك
يا شجرة عشك ما عرفت الماي
شالت روحهه وشتلته روحها بجروفك

جميل ما وصفت الحبيب الذي لا يوافي تقبل مروري وخالص الود والورد