المساعد الشخصي الرقمي

مشاهدة النسخة كاملة : اصحاب الكساء والتسعة المعصومين



حوراء البصري
23-01-2012, 02:11 PM
لله كل دعوتي وقبل الدعاء foraten.net/?foraten.net/?foraten.net/?foraten.net/?
وعليه أقسم قسم بالمصطفى foraten.net/?foraten.net/?foraten.net/?foraten.net/?
كضة عمي بالشكة ورغم هذا foraten.net/?foraten.net/?foraten.net/?foraten.net/?

ودنياي وي ناصبي يا صاح جارت علي
ياروحي كفي الحزن والراس خليه علي
عبرة اخذي من الوصي طلكهة كبلج علي

ما غرتة الدنية حين اصبحت زهرة
وياروحي ماكو شهد كل دنيتج زهرة
بجور وهضم كضت مظلومة الزهرة

نكصد بقيع الحزن ونزور يمتة الحسن
ويا ربي ما مر وكت ويانة نوبة حسن
دين آل طه فخر يا لايمي واحسن

هلدين خير العمل من حسن ولحسين
تحل الشفاعة للي يزور كبر حسين
بكل كلب والنبي باقي العز لحسين

شما تركع بدنيتك وشما تظل سجاد
وابني جوامع ذهب وافرش ذهب سجاد
ماينفعك بالحشر بس وكفة السجاد

حق الولاية لعلي يا لايمي باقر
وبكل علم يلمت بيه الوصي باقر
وية الانصاري النبي سلم علة الباقر

ويامن توالي علي سير بعهد صادق
الدسكره البلحشر بيهة علي يصادق
من امي انة ارضعت حب جعفر الصادق

بحبهم يهون الحزن ولغيظي اظل كاظم
وهلحب لا ينجلي ولا فكر كاظم
ولو عسرت حاجتي اتعنة للكاظم

يا لايمي بحبهم هاك العظم رضة
وقابل تكطع الكلب بهلحب آنة وارضة
يندار يمتة الوكت ونزور يمتة الرضة

حاتم الطائي ذبح لضيوفة بس جواد
وحسين كل عيلتة دين وشرف وجواد
روحي وحياتي نذر لمحمد الجواد

يا عيني كفي الدمع بسج بعد هادي
بدين آل طه ثبت رب العرش هادي
وصبيه دمع العين لمصيبة الهادي

ياروحي وبكل حزن لآل النبي عسكري
التاريخ يذكر لمن صاح البغي عسكري
نزلت املاك السمة لمن دعى العسكري

يا لايمي شظل بعد مالك علي حجة
لومك تعرفه حق من يظهر الحجة
كوم اكصد مشي لكربلة بكل خطوة الف حجة

ولا تحزن بدينك ولا لاتظل عباس
كل الحوايج تفل من تكصد العباس
تلكاه لكل معظلة راعي العلم عباس

الدنية لأهل الردة عدلة وتجي ميسرة
اليمنة شيعة علي والضدتة ميسرة
اقسم بضلع ام الحسن والراحت ميسرة

بالنار والجنة علي هو الذي قاسم
وبالجنة كل شيعتة رب العرش قاسم
اتزور جن الرضا من تكصد القاسم
 

ايليا الغانمي
26-01-2012, 03:06 PM
الاخت العزيزه حوراء
رائع جدآ ما طرحتي جلعه الله في ميزان حسناتك
تحياتي وتقديري

سامي المشكور
28-01-2012, 04:14 PM
اختي الغاليه
سلمت اناملك
لك امتناني