المساعد الشخصي الرقمي

مشاهدة النسخة كاملة : اعيونج دنيتي



نظرات تؤرقني
07-02-2012, 09:36 PM
اعيونج دنيتي (http://www.j-iraq.com/vb/showthread.php?t=29362)


اعيونج شباج دنيتي (http://www.j-iraq.com/vb/showthread.php?t=29362)
ودنيتي بعيونج
اشكد وسيعة ونورهة يلالي
صفت فرحي وضواي وحبي وحلالي
اعيونج شباج امكابل البستان
اشوفن ورد بيه
وعصافير وشجر عالي
يالمثلج فلا حبيت من كلبي
ومن روحي ونبض دلالي
انتي ومن اشوفج احسن هلي
اجوني بلمة اعيالي
شوصفج يا جمال الكون
وشخلي بوصف يحلالي
يا ضحكة طفل واجمل براءة البيج
يا خد الترف اعيونج (http://www.j-iraq.com/vb/showthread.php?t=29362) تنعس اليال
اذا نامت الناس بطارفات الليل
انتي الليل نام بخدج الغالي
يا اجمل جمال الروح وسفاي
زعلتك غصب يهواي من فكَري
اعيونج شباج قصر الملك
وبس الاميرة تباوع التالي
اشكد اسعد من تنعس اعيونك
لان وجهك يلالي وينسعد حالي
ادري انتي زعلتي مني معذورة
ما تدرين هجرج صار جتالي
ولا تدرين بية اشكد حركت الروح
من همي وعذابي اختلفت افعالي
وصرت مابين ميت حي الوج اهموم
ويلوج بحنيني شوكي وامالي
ما امدحلك بروحي وتعرفيني
عجيبة اتلوم بية وانت موَالي
اغنيج بحزن وي نفحة الناي
واصب ادموع من موالي
بعد ما احجي انة اوياج صدكيني
بس سمعي كلامي وعوفي عذالي
اذا تقرين حرفي هذا وتعرفين
كولي اشكد خطية الجان يبرالي
÷÷÷÷÷÷÷÷÷÷÷÷÷÷÷÷÷÷÷÷

احيانا نكتب لنخرج همومنا من صدورنا
واحيانا لا ؟؟؟؟
تخرج صدورنا من همومنا
ما أصعب صبابات الهوى
حين تقتل التصبر.


بقلمي

الشيخ ابوحيدر
08-02-2012, 07:05 AM
شكوى ولوعه وحرقه متزجت مع الاعتذار
للحبيب كنت مبدع ياصديقي لعله
يسمع نداء روحك الحزينه
ويعود عن قرار الهجر والحرمان
مودتي لسموك

محسن المفرجي
08-02-2012, 07:07 AM
اخ نظرات كلماتك جميله كتبت بلحنٍ شجي
معبرةً عن وجدان ومشاعر عاشق لك جل
احترامي وتحياتي

نظرات تؤرقني
08-02-2012, 09:50 AM
شكوى ولوعه وحرقه متزجت مع الاعتذار
للحبيب كنت مبدع ياصديقي لعله
يسمع نداء روحك الحزينه
ويعود عن قرار الهجر والحرمان
مودتي لسموك


تسلم يا غالي ياورد شيخنا المحبوب
ابو حيدر ممنون الك
تحياتي واعتزازي لشخصك الغالي
÷÷÷÷÷÷÷÷÷÷÷÷÷÷÷÷
والله يا شيخنا ورطة حبينا البعيدين وتورطنا بيهم
لا نكدر نوصلهم ولا يوصلونا
فرق بين العراق والسويد
بس الله كريم
تهون ولعيونك
ابو حيدر
ممنونك

نظرات تؤرقني
08-02-2012, 09:56 AM
اخ نظرات كلماتك جميله كتبت بلحنٍ شجي
معبرةً عن وجدان ومشاعر عاشق لك جل
احترامي وتحياتي
تسلملي اخ محسن المفرجي
ممنونك صديقي العزيز
تحياتي الك ولمرورك العطر
اشكرك على اطرائك الجميل

سلام الدراجي
08-02-2012, 01:37 PM
حياك ابو محمد كلمات جدا صادقه بوركت وعاشت يمينك
اخوك د \ سلام الدراجي

نظرات تؤرقني
08-02-2012, 05:49 PM
حياك الله د سلام
منور وربي
تحياتي الك
وشكري لمرورك
العذب الطيب