المساعد الشخصي الرقمي

مشاهدة النسخة كاملة : (((عتب حبايب )))



ابو الليث الليثي
05-03-2012, 03:57 PM
شكثر عمري بقه منه ---وانته عليه تدلل
واذا كتلك حبيبي ليش --- تعذب روحي تزعل
من غيرك بلايه روح --- الورد من دون مي يذبل
جزيره والشتا عطشان --- يبس بيه العشب وامحل
وجرحي بلايه طب ينزف --- جسمي بغيبتك ينشل
يهلالي التغطه بغيم --- شكثر بيه افرحت من هل
يعنبر وانسكه بدهله--- عرس فلاح من يشتل
يشوك الطين للسلهو ---يحب الصوف للمغزل
يغربي الخربت اطباعه --- هواه اختلف واتبدل
وانته الماعرفتك خوف --- ولا وي دهره يتململ
ينام السهر بعيونك--- تبات بطيفه تتكحل
احبك لو تظل بالروح --- بس دكه ولا ابخل
لانك انته مي العين --- بلايه العين بيش اندل

تحياتي لكل من شرفني
-----------------
وتحياتي الخاصه لحبيبي

محسن المفرجي
05-03-2012, 04:31 PM
شكرالك ابو الليث قصيده رائعه امتعتنا ننتظرجديدك
لك تحياتي

سلام الدراجي
11-03-2012, 06:56 PM
ابو الليث الابداع ليس بغريب عليك
تقبل تحياتي مع الود
اخوكد\ سلام الدراجي

الليث الليثي
17-08-2012, 10:38 AM
حبيبي الدراجي شكرا لك
انت اكيد الاحسن الافضل
من جميل احسانك واخلاقك الغليه
تسلم من كل شر بحفظ الرحمن