المساعد الشخصي الرقمي

مشاهدة النسخة كاملة : (((ومضــــــــــــــــة)))



ابو الليث الليثي
09-03-2012, 03:05 PM
الى من نحب---

العمر ايامه بالساعات --- وانته تعلمت تمكر
الك عمري هديته سنين --- قاسي وما جذب تشكر
تذكر بذاك الصيف ---- صرتلك ماي لو تنكر
بجفوني الك فييت ---- تنام وروحي الك تنطر
اخاف عليك من الصيف --- اصيرن غيمه الك وامطر
احني جفوفك بدمعي ----- واصيرلك ربيع اشهر
شتاك بوسط كلبي تنام ----- اخاف من البرد تسهر
تجازيني تمرد جلاي--- غدرتني ولا حفظت السر
هناك بساعة الميعاد --- اشكيك لصاحب المحشر
اذا عنده الغدر مرفوض --- اليغدر صاحبه يكفر
راح احسابك ايطول ---- ومن احسابه وين اتفر
-------------------------------
تحياتي لحبايب-------

سلام الدراجي
10-03-2012, 02:45 PM
تحياتي ابو الليث شلونكم
قصيده جميله وكلمات حلوه فعلا ولكن هذه ليست ومضه ههههههههههه
الومضه اذا تعدت البيتين لا تصح ان تكون ومضه
فانت كانت قصيده وحلوه ايضا
اخوك د\ سلام الدراجي

ابو فاطم
10-03-2012, 04:00 PM
ومضة جميلة اخي الغالي ابو الليث
امتعتنا بقرائتها معك
كل الشكر لكم اخي الغالي
ولكم خالص التقدير

اريانا
31-03-2012, 12:27 PM
قد نشتري كل شيء يا ابو الليثيين الا القلوب الصافيه لانها تمنح نفسها من دووووون مقابل
سلمت يداك عزيز وانتظر جديدك تحيااااااتي

بسمه الصباح
01-04-2012, 04:08 AM
هناك بساعة الميعاد --- اشكيك لصاحب المحشر
اذا عنده الغدر مرفوض --- اليغدر صاحبه يكفر
راح احسابك ايطول ---- ومن احسابه وين اتفر
قصيدتك جميله يااخي بس هاي الابيات بنظري احله مقطع بيه
تقبل مروري