المساعد الشخصي الرقمي

مشاهدة النسخة كاملة : مصابنا فيك كبير ياليث رحمك الله



سلام الدراجي
11-03-2012, 09:11 AM
الى روح الشاعر
المرحوم ليث النعيمي

اشلون اصبر انه يا خلك والموت أذن تاليها




أجروح خوانك بعد ما نشف دم ألبيها
\\\\\\\\\\\\\\\\\\\\\\\\\\
يا ليث ليش استعجلت ما ودعت خوانك
هيجي أنت وبلحظه غبت وبينه أسعرت نيرانك
عريس هسه أتخرجت وفرحت كل أقرانك
ما صدگت بيدي ألطمت روحي الحزن لأفيها
أجروح أخوانك بعد ما نشف دم ألبيها
\\\\\\\\\\\\\\\\\\\\\\\\\\\
يا ليث جرحك بالكلب أشگد غميج اهوايه
مو دمع دم ليك أنزفت ونارك يخي چوايه
حتى المنصة تون ألك وما ونت ألا بغايه
عفته يا ليث ورحت؟ وأنت ألچنت عاليها
أجروح أخوانك بعد ما نشف دم ألبيها
\\\\\\\\\\\\\\\\\\\\\\\\\\
يا ليث يا كلمه وخلق ويا شاعر ويا إنسان
بيك ألقصيده تفتخر وتتباهه بيك الخوان
الحزن مو بس بالدمع بالكلب هيه الأحزان
اشكد حقيرة دنيتك وهايه لچن تاليها
أجروح أخوانك بعد ما نشف دم ألبيها
\\\\\\\\\\\\\\\\\
ألجمعه زفتك من بدت جوك الربع مليانه
بحب ومودة تحن ألك ومن الحقد عريانة
جيناك ما ندري لچن ألبسمتك دفأنه
يا ليث من بعدك يخي دنيتي شلي بيها
أجروح أخوانك بعد ما نشف دم ألبيها
\\\\\\\\\\\\\\\\\\\\\\\\\\\
فاتحتك اليوم انتهت كل لحظه أحس ناري أتزيد
خمدت شمعتك ؟ما أظن بشعاري أوجها من جديد
يا ليث هم نهدأ يخي بعدك ونضحك بالعيد
اضحك؟وأبو العز مختنگ لا والله ما سويها
أجروح خوانك بعد ما نشف دم ألبيها
\\\\\\\\\\\\\\\\\\\\\\\\\\\
بالجنة رافع ينتظر وحمداني وي حور العين
والمنشد بدفه يدگ مرحبة بليوثي الزين
وعموري وي عبد الوهاب حضنوك بيدين اثنين
يا ربي ضلهم يوم لا ظلك يا داحيها
أجروح خوانك بعد ما نشف دم ألبيها
اشلون اصبر انه ياخلك والموت إذن تاليها
عليك أجروحي تنزف مندملة
وعگبك ما ينشفن مندملة
يا ليث الروح بعدك مندملة
لان چنت النبض والروح ليه
الدكتور الشاعر
سلام الدراجي

سلام الدراجي
12-03-2012, 10:54 AM
ولا رد واحد يعزيني فيك ياليث النعيمي
اسال الله لك الفردوس
تحيه لكل المشرفين
اخوكم الذي لم يترك الفرات
د\ سلام الدراجي

الشيخ ابوحيدر
12-03-2012, 01:53 PM
اخي اسف لتاخري بالرد
اعزيك واعزي اهل الفقيد تغمده الله وافررحمته
واغمد روحه الجنه والهمك
وذويه الصبر
على مصابكم
اسف اخي لتاخري بسبب ضروفي

سلام الدراجي
14-03-2012, 07:27 PM
شكرا اخ ابو حيدر لردك الكريم
واللهم ما تشوفون مكروه
ويحفظكم من كل سوء
تحياتي

ابو الليث الليثي
14-03-2012, 07:50 PM
السلام عليكم اخواني واصدقائي
000000000000
اخي سلام
مااعزيك اعزي الروح--- الماتعرف لوين تريد
شنهوالحزن شنهو الفرح --- واحنه بغفله وين انريد
مره انكول للجنه--- والجنه دربه ابعيد
عمرنه امحمل باهات --- والاهات هم متفيد
شكد ظهرو بسكتنه ---احباب واخوه واشكم حيد
راحو واحنه هم اروح --- اكثر مااريد اعيد
هذا درب هالدنيه ---- القديم ايروح ياتي جديد
لاهذا اجه بكيفه ----- ولا عمر اليروح ايعيد
ماعدنه سوى ربنه --- نؤمن دوم بالتوحيد
-------------------------------
اعطاكم الله الصبر
وبدل حزنكم فرحا
---------------------------------

سلام الدراجي
15-03-2012, 07:15 PM
تسلم ابو الليث والله ابدعت
بارك الله بيك لهذه الابيات الرائعه
اسال الله ان يحفظكم ويجنبكم كل مكروه
اخيك
د سلام الدراجي