المساعد الشخصي الرقمي

مشاهدة النسخة كاملة : لو بالسرة



محمد الحجيمي
25-03-2012, 04:21 PM
(بقلمي )
نظرة ولو ...
ضحكة ولو ...
وضليت اجدي موادده بجلمة ولو....
ماهم سويت الي ارحلو
واتناخن النجمات يبجن عالمشوا
وياما فرشنه اعيونه انتاني الدرب ... بس ما اجو
وياما غبشنة بشوكنه لدار الغرب ... بس ما رضو
كلما نشوف اجدام ... صحنه اثارهم
وكلما نشوف اعلام ... كلنه اعلامهم
وكلما وصلنه الوادم وما مش ولف
كلنه بعد ....مو ذوله ... ها ... جدامهم
وحسبالنه ايردون ونشوف الولف
ونجيس حنة دارنه بذيل الزلف
ويسمر يبو الخد الترف
كلي احنه شمسوين ومضيع العرف
روح انشد الغافين ....بعثوك الحلم
هم عانكتنه امخاد ؟ يالمالك زلم
وضليت اهم
ومطشر بكل كاع والوادم تلم
يسمر وجاري الماي ما شفته جره
يسمر وأول رادتك ضل ليوره
ولو بالسرة ...
بحبك يبعد الروح واصلني السرة
ولو بالسرة
انه كبل ذوله المشو
جلمة ولو ...
نظرة ولو ..

ابو ابراهيم الخزرجي
25-03-2012, 09:52 PM
وياما فرشنه اعيونه انتاني الدرب ... بس ما اجو
وياما غبشنة بشوكنه لدار الغرب ... بس ما رضو
كلما نشوف اجدام ... صحنه اثارهم
وكلما نشوف اعلام ... كلنه اعلامهم
وكلما وصلنه الوادم وما مش ولف
كلنه بعد ....مو ذوله ... ها ... جدامهم

كلمات في غاية الروعه وكأنها ريشه طير في سماء العشق
تعلو وتستقر في بيت الحبيب تقبل مروري وخالص الامنيات

محمد الحجيمي
26-03-2012, 12:13 AM
شكراً لك اخي ابو ابراهيم لمرورك ... تقبل مني تحيتي