المساعد الشخصي الرقمي

مشاهدة النسخة كاملة : عبد الكريم محمد حسون الخشالي



مكرم
26-03-2012, 10:36 AM
وحشات الليالي
وحشات الليالي وانت عني ابعيد
جا يمته تحن وتكعد اكبالي
زاعلني الفرح دورله غيري اصحاب
ايس من صحبتي وعافني بحالي
شافاني جبل متروس كلي اهموم
وعلى سفوحي يصب اهات شلالي
تعال وشوف كلبي شكد مليته أجروح
موكافي اخاف أصير جتالي
مودمعي نشف وعيوني صارن بيض
مثل يعقوب أبجي ايام وليالي
مو صبري خلص والهجر يكتل حيل
اصبر بالكلب جندوب يا غالي
سكنت انت بخيالي وروحي ما انساك
مثل ظلي اشوفك انت تبرالي
يل اسمك طبعته على الشفاه احروف
ارددهن وصارن احلى موالي
حبيتك ولك مو مثل باقي الناس
يل ضحكة عيونك تنعش امالي
انه بلياك ليل وزاعلنه انجوم
تلثم بالحزن ظل يبجي للتالي
سودني هواك وجرعاني اهموم
جا يمته تخدره الفرح بدلالي
مو شوكي ولك مركب واجه لشاطيك
تشمره ابعيد ليش ابروجك العالي
بحبال الوفه شديت روحي اوياك
وانت بنار هجرك تكطع احبالي
عليل وشوفتك هيه تطيب الروح
رحت انه للطبيب وصفه كتبالي
صدكني احبك والهج بطاريك
وأتمنى احطك يمي وتلالي
شمس انت وكمر وانجوم كلهن بيك
من تشرق عليه الدنيا تحلالي
دورتك انه بكل جزء من الكون
شو انه لكيتك يمي بسلالي
مو انت نبض وكليبي بيك يدك
وخافن من تغيب الموت يدنالي
لا تبقى تكابر انت دوم وياي
وتجيني تكول كلبي من العشك خالي
مو كلبك جبرته عن غرامي يصوم
دعيد مو شفت بعيونك هلالي
جا يمته تظل تنظرلي من ابعيد
واحسن بيك دوم وياي متعالي
مو عينك صريحه وما تجذب دوم
وشوفنه التحل اوياك اشكالي
تعال ادخل وشوف كليبي شنهو البيه
عذاباتك تهد وتنسف اجبالي

عبد الكريم الحسون

ابو ابراهيم الخزرجي
28-03-2012, 07:27 PM
هطلت علينا قصائدك كالمطر على الارض الجرداء فانبتت زهورا يانعه تسر الناظر تقبل مروري تحياتي وخالص الامنيات