المساعد الشخصي الرقمي

مشاهدة النسخة كاملة : كلاشنكوف



ابو حيدر الشريفي
29-03-2012, 01:33 AM
كلاشنكوف
نزعت سنين صبري وجيتك بشوگ وتركت



المستحه الخسّرني والخوف



أجيتك شايل بگلبي عشگ نيسان وأيام



الربيع التكسر الشوف



حملني



العشگ لجلك هموم هواي فاضن عالسدود وكسرن الروف




نخيت اهل السلف والماشيات بليل كلها اتعذرتني الروج والمشحوف
ردتك بس تجيني اتشوف گلبي شبيه مشگگ على فراگك مانفع بي روف
لوضموك بالكنتور أطب وياك ولو گطعوا الحرثه



اطفرلك من الطوف



أدوفنك بروحي وأنعجن وياك ي



البعدك زغير وماتعرف الدوف



نعتولي طبيب وعمره بالتسعين قررت أعتنيله بحالي



الملهوف



مد أيده على صدري وگال يامسكين هذا مو صدر هذا طشت مخسوف
گتله اتصوبت عد عرب من سنين ماظنيت عدهم هالحسن موصوف
شفت عدهم كحيلة ورابيه ببستان كلمن شافها يصرِّخ بگلبه الاوف
خزرتني خزر مو خزرة بيها الموت اذا كل جفن منها يساوي عشر سيوف
تاه الگلب مني اتعثر بممشاي وصلت البيت گوه والگلب مخطوف
ماادري مدافع مدري رمانات مدري الغام يمكن شايل النفنوف
كل واحد انشده يگول ياستار كلها اتحيرت هاللغز مامعروف
عشگت الليل سويته نديم وياي وعلمته



السهر ومناطر الحايوف



هز راسه الطبيب وگال ما مليت جاوبني عدل ماريد رد ولوف
أحلفك بالرضا وبالساكن خريسان هاي عيون لو صلية كلاشنكوف؟؟؟؟
ابو حيدر الشريفي
2012/2/16

محسن المفرجي
29-03-2012, 07:21 AM
ابوحيدر الشريفي شكرا على هذه القصيدة
الرائعه وننتظر الجديد لك تحياتي

سلام الدراجي
01-04-2012, 05:01 PM
بس اكول الله ايساعدك
قصيده راااااااائعه
تحياتي