المساعد الشخصي الرقمي

مشاهدة النسخة كاملة : قصيدة انه وانته للشاعر عبد الكريم محمد الخشالي



مكرم
29-03-2012, 10:05 AM
انه وانت واحد



جنه انه وانت واحد

وهسه صرنه اثنين ما بيناتنه حب ووئام

جان كلبي وكلبك يدكن سوه

واحد وسبعين دكه بالتمام

ولو جنت بالمغرب انه...وانت بالمشرق اسمعك

ولو كلت افيش اكولن يا سلام

ولو شفت مره الهواء زعل كذلتك ....انه امنعه

واجعل الكذله وشعر زلفك ترى الارض الحرام

وجنت نايم وسط روحي....وصار الك كلبي مخده

ونبضه وكفته اخافن من تسمعه ما تنام

ولو شفت دمعه على خدك.....تنمسح برموش عيني

قبل لاتمسحه انت بطرف ايدك والابهام

شكد كضينا ايام حلوه

وطرنا باحلام العشك مثل الحمام

وشكد فرحنا وما تركنا الزعل يسطي

يبوك من عدنا الغرام

وشكد تمنينا الزمن يوكف

وما يمشي بعجلته للامام

وشكد تركنا اعيونا تحجي وتسولف

واحنا وكفنا الكلام

وشكد سبحنا ابحر حبنا

وموجه يشمرنا على الشاطي بسلام

كلها راحت يا حسافه

وطفت شمعتنا وبقينا بالظلام

وما بقى من كل عشكنا

غير ذكرى معلكه بغصن الايام

ورجعت الدمعه على خدي

وكمت ادورك بالاحلام

والبنيته وياك صبحت ولكيته

كومه انقاض وحطام

ورحت انه ورحت انته

وفرقتنا اظنون منشئها الاوهام

ورجع طير الحزن عشعش.... وسط كلبي

وحلى بعيونه المقام

وذبل ورد العشك بينا

وطاح من غصنه وسقط وسط الاقدام

وضاعت اسرار العشك..بين وبينك

وتاهت بوسط الزحام

وهسه وين الكاك كلي

فدوه بطل هالخصام

ورجع النصفين واحد

وكول قسمتنا حرام