المساعد الشخصي الرقمي

مشاهدة النسخة كاملة : قصيدة الى امي للشاعر عبد الكريم محمد الخشالي



مكرم
01-04-2012, 05:46 PM
الى امي



مثل ظلج اتبعج جنت انه اوياج

ما اكدراتركج ساعه من عمري

طيبه انت ومحنه ووفه كلهن بيج

وبحر حبج يمد وما عرف جزري

شكد انت تعبتي شكد سهرت ليال

ونه بحضنج انام وكل شي ما ادري

تمنيت العمر اكضيه بس اوياج

لحد ما انه اموتن واسكن بكبري

شكد حلوه الايام اللي عشتها اوياج

لكن جنت خايف من غدر دهري

ما خلاج شجرة وفوكي اتفيين

كصج من جذورج جنه كص نحري

حبيبه انت وعشكتج صرت كل دنياي

لكيتج نبض كلبي ودمي اليجري

شسويله الدهر فركنا انه اوياج

سكنتي انت الكبر والهم سكن صدري

يا ام الوفه يا منبع الطيبات

انه بلياج ماي ونشف من نهري

رحتي انت وخذتي الفرح كله اوياج

وظل يبجي وينوح اعليج كل صبري

يمن فدوه الج ما ردتج اتروحين

انه بلياج كاع ترابها يذري

شذكر انه من جنت انه اوياج

يم كلب الجبير وشايل اسراري

زرعتي الوحشه من رحتي بسواجي الروح

وحمل فركاج شلته وكسره الظهري

يا يمه العمر بعدج عذاب ونوح

طلقت الفرح والحزن ظل جاري

خلاني الوكت بعدج مصب اهموم

وحشات الليالي وحشه هم داري

عزيزه انت مثل شهكه نفس للروح

من رحتي البجي بس هو خطاري

يا يمه وحكج سوده كل دنياي

وعلي الليل بالاهات ظل جاري

تمنيت العمر بعدج ثواني ايصير

وافرح بالمنيه اطفي كل ناري

يا ريت الزمن بي يرد اردود

لايام الطفوله البيه تذكاري

ايام الجنت فرحان بيه اوياج

وغيمج بالمحنه علي مطاري

يل وجهج كمر يطرد سواد الليل

من غبتي وحكج طفت انواري

بربيع انه عشت ايامي ذيج اوياج

احس بكربج انه بجنة الباري

على غفله وجه ودك بابنه اجويريد

خلاها صريم وماتت اشجاري

يا خيمة محنه وبيها ملتمين

من طحت صفينا اليوم طشاري