المساعد الشخصي الرقمي

مشاهدة النسخة كاملة : بقلمي- مكسورررر



ناصر اسماعيل الموزاني
08-04-2012, 04:35 PM
مكسور
شايل ألّم
وبالروح شايل تعب
بس لو ردتني أجي
غصبن عليه أجي
ما ينرفضلك طلب
ما ينرفضلك طلب
----
ما ألوم بعض الورد
لوترك أحبابه
وي الغروب ويسد
ما ينفتح بابه
النحل ياكل شهد
والسم على نابه
شحسبلك وشرد أعد
وبحسبتي أطلابه
بس أحچي يطلع غضب
ما ينرفضلك طلب
--------
من حيث چنه سوى
فرحتنه چانت سوى
الحب نشمه سوى
دگت گلبنه سوى
أثنينهن بالضبط
مخلوط بيه خلط
دمك ودمي خبط
چن تؤم ومرتبط
أنواع طبعه الخشب
لاچنه نوع اللهب
ما ينرفضلك طلب
------
دورت طول وعرض
دورت كل الارض
الگيتك وي اللفظ
الگيتك وي النبض
بنبض نبضي تجس
يالبيه گبلي تحس
يالي بصباحك شمس
والحچي بشفتك همس
وبشفافي طعمك رطب
ما نرفضلك طلك
------
كلمات
ناصر اسماعيل الموزاني

خربشة مشاعر
03-07-2012, 05:47 PM
ابدعت خيي
بأنتظار جديدك القادم
ودي