المساعد الشخصي الرقمي

مشاهدة النسخة كاملة : بقلمي- لوححات شعريه



ناصر اسماعيل الموزاني
30-04-2012, 05:43 PM
{لوحات شعريه}
....
.......
أحترگ گلبي عليك بعزة أشتاي
واجه الشامت تدفه بنار گلبي
.........
أرسمتك مره صوره انته بخيالي
وقارنتك وياها أطلعت احلا
........
آنه بغيابك جذع نخله أبحر
موجه اتجيبني وموجه توديني
......
عزيز وعزتي أعلا من النجوم
بس الخاطرك أنزل على الگاع
.......
صورك ما تشبهك دوختني
لأن كل يوم انته اتصير احلا
......
يگلي ..صعبه العيشه أبغيابك
أثاريته چذب ماعده افلوس
.......
هددني العقل من ترحل يهيم
ترضاها تگول الناس مجنون
.......
حرامي الباگني... گدام العيون
أشو محد.. يگضه الكلب عنده
......
ماعندي ملك بالوطن لا بيت
ساكن ع الرصيف وشيلوني
......
شفيد الحچي ما عندك احساس
المعدوم شتضره تحكمه أعدام
........
هددني الگلب بس تهجر يهيم
اعيش بلا گلب يا ولفي يرضيك
.......
بلاد الخير گالوا عن العراق
وانه بحي التنك عطال بطال
.......
....كلمات
ناصر اسماعيل الموزاني