المساعد الشخصي الرقمي

مشاهدة النسخة كاملة : قصيده منديوان دموع الاحزان((يغايب عن عيوني)) خالد الحجار



خالد الحجار
10-05-2012, 09:40 AM
مناجات صاحب الزمان عجَّل الله فرجه الشريف ((30))

****----------------------------------------------****
يغايب عن عيوني طمنها الظنونــــــــــــي

تاخذني بعيد أبعيد أتصبُّرني عله باجر عيد
ألمنّي بيَّ لاموني
--------------------------
جنت ماأعرف الدنيـــــــــه ولا أحسبها خطواتي

أعَّذب طينتي وغافـــــــــل ما أدرك معاناتــــــي

جدمي وعيني وين أتروح بخطواتي أو نظراتي

هتف بيَّــه العهد وصحيت عرفت تكوينها الذاتي

خذتني أيامي ليل بليل
وصلتني اعله وادي ويل
لن جفَّ ينجّيني ** ياخذ بيدي يحميني ** يمكم يل ترحموني
------------------------
شبابي كظيته بالاحــــــلام النسَّتني خذلتنـــــــــي

ودنيه وياي جنها عروس طغيت أوتالي عافتني

ألأسفل درك من النــــــــار أحسَّن نفسي أخذتنــي

أدركنــــــــي أصيح الغوث واللوامه لامتنـــــــــي

تعرفه كلــــــبي اذا صافي

أوياكم صادق أموافي
أدخل ودكم أو طيبه **يمَّك أمري ترتيبه **بجاه الزهره عينوني
----------------------------------


بعد عيب اعله شيب الراس وعله ألحانه الفجر صبَّح

كلنــــــــــــه أوراق كدَّامك يبو صالح أو تتصَّفـــــح

أندبك وصره أدركنـــــــــي بحك زينب دمعتي أمسح

ياكل المودَّه أنتـــــــــــــــه عاقبنــــــــــي أريد أربح

أريدك أنته عنواني
بروحي ذكر ولساني
بوجه أبيض أكابلكم **نوره يشع من ودكم ** ألرضى الرحمان ودّوني
---------------------------------
على طبعي دحيله أطباع النفســــي عوِّدت غرَّت

باجر راح أتوب أتكـــول شكثِر حاولت ماكدرت

تميل أويَ الهوى المايل أطباعـــــي وله آتغيرت

ذلَّتني بظـــــــلام الروح عليَّه ضحكت أو غدرت

سراب الامل عيني أتشوف
وصحه من الحلم ملهوف
تايه بين ليل نهار **فكري أمشتت ومحتار **وذنوبي يمنعوني
----------------------------
تايه وبّحر غركــــــــــــان يامركب يجـــــي أو أصعد

سفُن بحّـــــــــــاره مرَّتني تتكرّب او تتبعّــــــــــــــد

وشوف شـــــــراع يتهاده أبنور ودمعتي اعله الخد

أحساي وكلبي كال حسين أوياه أصعـــــــــد لتتردد

سفينة رحمه أبو اليمه
خجــــــلان أكعدت يمَّه

ذنبي كباله فاضحني ** كبل ماأحجي سامحني ** موالي مايخذلوني

بسمه الصباح
10-05-2012, 03:55 PM
كلمات معبره ورائعه يسلموا
جعلنا الله واياكم من انصار المهدي عجل الله فرجه

خالد الحجار
11-05-2012, 01:15 PM
كلمات معبره ورائعه يسلموا
جعلنا الله واياكم من انصار المهدي عجل الله فرجه
بسمه تعالى
شكرا لمروكم الكريم وجعلنا من أنصاره
أأمن على دعائكم
وغدا لناظره قريب
الخاد خالد محمد مهدي الحجار