المساعد الشخصي الرقمي

مشاهدة النسخة كاملة : منْ يُكملُ النص ..؟؟



دكتور هاشم الفريجي
02-06-2012, 12:10 PM
مَنْ يُكملُ النص
****
الليل ..
مر وابتسم..
ما يدري باللي خِفه ..!

سهَّرني..
بس .. ما درى ..
بجفوني طيفك غفه!

إبْعِدْ .. ولك لا تِرد..
ياليل..
نومي انتفه!

وسنين..
ناسي الفرح
وبعيني نوري إنطفه

أبعَد .. حبيبي وهجر..
خلـَّـفلي بس الجفه

وأتراجف من البرد..
وبحظنه..
غيري دفه ...!!!!!

كلبه..
صفه بسإلي
ولغيري..
وصله صفه .. !

وآنا اكتفيت بعشك..
هوّه..
بعذابي اكتفه!

لاني اشتفيت بوصل..
لاهوْ بمحنه اشتفه!

ياصاحبي ..
بهالوكت
طبع الحبايب جفه..

ماندري وين الصدك؟
وشلونه ..
طعم الوفه..

تسمع كلامه عسل..
بس طبعه..
جور وعفه!

فهمني .. ياهاجِري..
للحب ..
أكو فلسفه ..؟؟؟؟

لوكلمن وغايته ..
....؟؟

من يكمل النص؟؟








شعر: د. هاشمالفريجي

Broken oars
26-06-2012, 11:09 AM
تحياتي لك د. هاشم على القصيدة الجميلة والرائعة واسمح لي بهذه التكملة المتواضعه

لو كلمـــــــن وغايته ؟؟
وكلمن حسب موقـــــفه
يجفي شوكت ما يحـــب
لو ولفــــــــه ما صرّفه
ويرش على اجروحه الملح
ويتركــــهن بلا شــــــفه
وكلما يلاكـــــيه بدرب
حــتى الهلا اتكـــــــلفه