المساعد الشخصي الرقمي

مشاهدة النسخة كاملة : بقلمي-معذور القلم تسالني ما معذور



ناصر اسماعيل الموزاني
23-07-2012, 09:05 AM
{معذور القلم}
......
....
معذور القلم
تسالني ما معذور
لليكتب حرف
للامر المأمور
شگلك ياصديقي
والاقلام أشكال
بيها المو حقيقي
والحقيقي أنشال
وبيها إلي كتب
بش بالحرف مجبور
وبيها أقلام صارت
بالرفوف أسطور
.........
معذور القلم
تسالني ما معذور
شگلك ياصديقي
والاقلام أهواي
كلمن راي
بيها أقلام
دار ودور
صارت تنشر بكل دور
تغني لكل زمن
تتقلب بكل طور
وبيها أقلام ظلمه
وما تعَرف النور
لامرها گمر
لابيها نجم يدور
معذور القلم
تسالني مامعذور
شكلك ياصديقي
والاقلام أصناف
مثل طيور
بيها إلي يظل رحال
وبيها المستقر عصفور
وبيها أقلام غرّه
أقلام حره
وفوگ مثل أصگور
لاهابت قفص جلاد
ولاهابت تفگ صياد
يوم أتثور
وبيها أقلام كتبت
للوطن منشور
ضد الجور
.....
معذور القلم
تسألني مامعذور
شگلك ياصديقي
وبالگلب حسرات
نار تفور
شحچيلك بعد
ماظل حچي مستور
هذاك أفلان
وهذاك أفلان
وذيچ الچلمه
ذيچ الظلمه
وذاك النور....؟
وهذاك إلي كتب حزنان
وهذاك
إلي كتب مسرور
وهذاك
إلي كتب مذموم
وهذاك
إلي صمت مشكور
بس بداخله منحور
ويظل أعله قلم
يم الثريه يدور
ويظل أول قلم
من سومر وآشور
من سومر وآشور
.....
.......كلمات
ناصر اسماعيل الموزاني