المساعد الشخصي الرقمي

مشاهدة النسخة كاملة : بقلمي-قصيده غزليه جميله



ناصر اسماعيل الموزاني
22-08-2012, 07:59 AM
......
أختار أختيارك.... وانه أختار
خياري أنه أختيارك يبقه الاول
يالعيونك بحر ضيعني الابحار
أدور عن مراسي.. وين أسال
حرام أخدودك يگولون من نار
لان النار بعد الحطب.... تهفل
وحرام انته يشبهونك بالزهار
لان طبع الزهور بسرعه تذبل
الشوارع من تشوفك تدخل أنذار
وتگول منين هذا الناس تسال
ألك رقة برائة .....كل الازغار
وألك غنوة فجر.... غناها بلبل
وألك صوت بكلامك لحن وأطوار
وألك بسمة شفايف.. كتل تكتل
ظلم تفتح قميصك.. سد الازرار
أكو عاقل يشوفك..... ميتخبل
أللمسه أعله خدك... تترك آثار
القبله أشتسوي..... من أتقبل
معصم چنه خصرك لابس أسوار
أخافن ينكطع..... لو بيك ينحل
ألك خطوة فراشه فوگ الازهار
بالف هيده وتاني....... منتَنقل
موزونه خطوتك ...وزن الاشعار
ما شفت بخطوتك ...وزن مختل
من تمشي أخاف تصيبك أضرار
لان جدمك ترف چن ماله مفصل
ماحاير أنه....... بس بيك محتار
شموصفنك تظل من وصفي أجمل
.......
كلمات
ناصر اسماعيل الموزاني
الجمهور
هو التقييم الحقيقي وليس سواه

جوجو البصراويه
12-11-2012, 06:53 PM
وااااااااااااااو روووووووعه صح لسانك
جوجو البصراويه