المساعد الشخصي الرقمي

مشاهدة النسخة كاملة : الى امي للشاعر ميثم عباده



ميثم عباده
16-09-2012, 01:08 PM
ياامي الحنونه ويا اعز الناس
ياحب الاله وصوت قرأنه
ياكوكب زحل وحنه اعلى راسج طوك
حوالينج غفينه وأنتي سهرانه
يا سيف الوفه الماخان بينه ابيوم
والله ابدمع عينج نذبح اعدانه
شبعانين يمج مامر علينه العوز
عمر ناكل ابخيرج ونتي جوعانه
يااول دمع خضر ورد بالكاع
ويااخر فرح من تجفي دنيانه
نهر انتي ييمه ومانشف فديوم
رويتينه ابحنانج ونتي عطشانه
لان انتي قلم كل حبر بيه مسموح
شرط مابيه فرح بس يكتب احزانه
مثل خياط شل اجروح للناس
يغطيهه ابتعب وجروحه عريانه
يضل اسمج ييمه اعكال فوك الراس
وتضل انتي الوصيه البيهه وصانه
وصانه الاله الجنه يم رجليج
وربج من رضاتج يرضه ويانه

redtotte
15-10-2012, 07:37 PM
جميله جدا...نتمنى نشوف منك المزيد.

ميثم عباده
18-10-2012, 11:53 AM
جميله جدا...نتمنى نشوف منك المزيد.انته الاجمل حبيبي