المساعد الشخصي الرقمي

مشاهدة النسخة كاملة : دمعة حزن للشاعر ميثم عباده



ميثم عباده
19-10-2012, 10:10 AM
يادمعة حزن ماريدج اطيحين
اريدج بالجفن تبقين مرهونه

ذكره مسودنه ومتعمد اقبل بيج
مخبل وحتفضله بذكره مجنونه

اذا مجروح واحد والجرح بالعين
ترى يحس بألم لو غمض عيونه

هيج انه اريدج كالجرح بالعين
يضل ينزف حزن يم اليداوونه

لان انه زرع حش روحه بيده وطاح
وخذه اسنينه وشمرهه بحلك طاحونه

مثل بلبل فقير وأمن امنل ناس
وراح ابرجله للرادو يحبسونه

وريدج يادمعتي دفتر اصيرين
كل موقف غدر يمج يكتبونه

خطيه اهل العشك ينسون مرات
وصحاب الخيانه الي يمسحونه

بدستور الخيلنه صيري دمعة نار
تذكرهم جويتج لون ينسونه

وعلى ايدج تبت يادمعه من هل يوم
ونه يمج بعد ماريد كل عونه

لان ماحصلت من صرت سمجه ابماي
وروح انه الشبجهم من ينصبونه

وعلى طاري العشك لحد يسولف بيه
سبينه العشك لابو اليعشكونه