المساعد الشخصي الرقمي

مشاهدة النسخة كاملة : بقلمي-هاي الحصه التموينيه



ناصر اسماعيل الموزاني
18-12-2012, 05:13 AM
بقلمي-هاي الحصه التموينيه

باسم كل الطبقه الفقيره في وطننا العراق
نرجو من الاخوات والاخوه القائمين على الموقع ...................
ان لايحذفوا هذه القصيده من النشر او من الموقع لانها واقعيه وتدافع عن العراقين
الفقراء...علما اننا لانريد التجريح او الاساءه لاي مكون او لااحد.. والله من
وراء القصد............................................. .........................
اخوكم
ناصر اسماعيل الموزاني
...
ملاحظه
القصيده غنائيه
{هاي الحصه التموينيه}
.....
هاي الحصه (http://www.alforat.org/vb/thread146564/) التموينيه
تتوزع صارت... يوميه
كيلو أطحين
لعمي أحسين
والنائب ياخذ گونيه
=====
هاي الحصه ما تتأخر
ولاتنباع... ولا تتصدر
تتوزع مره بشهرين
ومرات أتطول سنتين
ومرات تروح بلا جيه
=====
هاي الحصه ...كم ونوع
تكفينه من الشهر أسبوع
المسكين من الجوع يلوج
والنائب ياكل.... فروج
من أغله واحسن نوعيه
====
هاي الحصه بيها أشكال
حته نيدو...... للاطفال
بيها لحم وسمچ أزبيدي
والختمه من سوگ مريدي
مضبوطه ميه بالميه
=====
هاي الحصه بيها أصناف
واليطوها.... ناس أشراف
لابيهم واحد محتال
ولابيهم واحد نشال
طردوا كل الحراميه
====
هاي الحصه من الوزير
ما بيها ...غش وتزوير
وقع بيها....... البرلمان
ومختومه بختم السلطان
ومن اللجنه القانونيه
======
تقبل أنته يامختار
العراقي.. بليه دار
ليش بحي التنك ينام
وين الغيره ...يأسلام
ماتت غيرتنه العربيه
......
كلمات
ناصر اسماعيل الموزاني