المساعد الشخصي الرقمي

مشاهدة النسخة كاملة : بقلمي-أتعطلينه-اتعطلينه



ناصر اسماعيل الموزاني
23-03-2013, 09:29 PM
بقلمي-أتعطلينه-أتعطلينه
{أتعطلينه}
...
أتعطلينه
أتعطلينه
أنريد نمشي...
أتعطلينه
چنها عشر سنين
واحنا البارحه...
للغربه أجينه..؟
أحنه يومين وشكينه
عل البعّد ماگادرين
شحال لو أكثر بقينه
وين نلگه الصبر وين
الغربه موت
الغربه نار
وبالاخص...
غربه أضطرار
الشوگ والله ...
لعب بينه
.......
أنريد نمشي
أتعطلينه
@@@@
يساعد الله
الشايل أبگلبه وطن
وش يگله
گلبه لو باليل حن
آه....
يا حال الغريب
آه
يالمفارگ حبيب
مثل ورده
والمطر عنها أختنگ
مثل شمعه
وخيطها كله احترگ
الغربه ثاري موبدينا
الشوگ ثاري موبدينا
ثاري كلشي ما بدينه
.....
أنريد نمشي
أتعطلينه
@@@@
آه يغربه...
أحنا بس احنا نعرفچ
سجن أسود
ليل اسود
شوگ اسود
شوگ ما منه خلاص
شوگ ضرباته رصاص
أتوبه...
أعذرينه يغربه ما نجيچ
نگص چف الروح
من تحظن أديچ
نگص رجل الروح
لو رادت تجيچ
هاي هيه أگلوبنا
هاي هيه أروحنا
هي هيچ أتحسرت..
وشلون حسره
مثل روجه أتكسرت..
بنياب صخره
الشوگ..أجانه..
بطبع ذيب
ولا وطن...
يَمنّه قريب
ولا حبيب
أرواحنا ظلت حزينه
...
أنريد نمشي
أتعطلينا
....كلمات
ناصر اسماعيل الموزاني