المساعد الشخصي الرقمي

مشاهدة النسخة كاملة : بقلمي-بحايط خيالي أصفنت



ناصر اسماعيل الموزاني
26-04-2013, 07:54 AM
بحايط خيالي
....
بحايط خيالي أصفنت
وأرسمت لك لوحه
بألوانها أتفننت
بالفرچه الف مسحه
لمن رسمتك نمت
تانيت من تصحه
أبنومتك طولت
والليل أجه صبحه
أبوجهك أتمعنت
كلش صعب شرحه
بخدودك أتاملت
صفحه أحلا من صفحه
خال بشمالك شفت
چن خرزت السبحه
والثاني منه دخت
بيه خال چن قمحه
وعيون بيهن متت
كتلني من لمحه
وبشفافك أتحيرت
يالمبسمك فرحه
ومن فز خيالي گمت
ثاريني برفحه
بالنتفاضه ثرت
ضد ذاك ابن صبحه
بتسعينها أتذكرت
بأبطالها الوكحه
ياوطن يالماطبت
گلي أشوكت تصحه
بس فرحه منك ردت
وأحسبها ألف فرحه
بحايط خيالي أصفنت
وأرسمّت لك لوحه
....
كلمات
ناصر الموزاني